هەینی, 20 ئەیلول 2019 18:18

سەکۆی کاری "گەنجانی عێراق : پێشەنگ لە دایەلۆگ و ئارامی" لە هەولێر گرنگ

هەولێر، ١٩ی ئەیلوولی ٢٠١٩:- لە ژێر سەرباسی " گەنجانی عێراق: پێشەنگ لە دیالۆگ و ئارامی" دا، یونامی، بە هەماهەنگیی لەگەڵ لێژنەی پێکەوەژیان و ئاشتیی کۆمەڵایەتیی نووسینگەی سەرۆک وەزیران، و رێکخراوی ئەمەلی عێراقی، دەیەمین سەکۆیکاری لە رۆژانی ١٢-١٤ی ئەم مانگەی لە پارێزگای هەولێر ئەنجام دا بۆ تاوتوێکردنی چەندان پرسی گرنگی پەیوەست بە گەنجان لەو پارێزگایەدا.

لەو سەکۆیکارەدا، ٢٦ گەنج بە گرتنە خۆی ١١ ژنیشەوە، لە تەواوی پارێزگایەکەدا بەشدارییان کرد و تاوتوێی چەندان پرسی گرنگی پەیوەست بە گەنجانیشیانەوە کرد کە گرینگترینیان بریتی بوون لەوەی کە چۆن گەنجان بتوانن چالاکانە لە پرۆسەی بڕیارداندا بەشداربن لە گەڵ بەتواناکردنی ژنان و رەخساندنی هەلی کار بۆ گەنجان لە کەرتی گشتی و تایبەتدا.

شایانی باسە، لە دوا رۆژی سەکۆیکارەکەدا، جێگری پارێزگاری هەولێر، بەڕێز تاهیر عەبدوڵڵا، و سەرۆکی ئەنجومەنی پارێزگای هەولێر، بەڕێز عەلی رەشید، و بەڕێوەبەری گشتیی گەنجان، بەڕێز جەمال حوسێن و ژمارەیەک لە ئەندامانی پەرلەمان لە گەڵ بەشداربووان تاوتوێی چەندان پرسیان کرد.

بەرپرسی نووسینگەی هەرێمیی یونامی لە هەولێر، بەڕێز ڕیکاردۆ رۆدریگۆز، وتی "ئاشتەوایی و یەکڕیزی بۆ ئایندەیەکی ئارامی درێژخایەن زۆر گرنگن. جا بۆیە تاوتوێی راشکاوانە و گشتگیرانەی نێوان کۆمەڵگاکان پێویستە ئەنجام بدرێت بۆ ئاوڕدانەوە لە سیاسەتەکانی رابردوو و دروستکردنی داهاتوویەکی سەقامگیر بۆ عێراق".

چالاکییەکە بەشێکە لە ئەرکی پێسپێردراوی یونامی سەبارەت بە پشتگیریکردنی گەنجان و بەشدارییە کاریگەرییەکانیان لە ژیانی گشتیی عێراقدا. پێشتریش چەندان سەکۆیکاری هاوشێوە لە ئەنبار و بابل و بەسرە و کەربەلا و واست و نەجەف و سلێمانی و دهۆک و نەینەوا ئەنجام درابوون.

****

بۆ زانیاریی زیاتر تكایه‌ په‌یوه‌ندی بكه‌ن به‌ به‌رپرسی نوسینگه‌ی راگه‌یاندن و ته‌بێژی (یونامی) به‌ڕێز سه‌میر غه‌تاس ‌ ‌ به‌ ئیمێلی ئەم ئیمەیڵە پارێزراوە لە سپام, پێویستە جاڤا سکریپت چالاک بکەیت بۆ بینینی. یان ئەم ئیمەیڵە پارێزراوە لە سپام, پێویستە جاڤا سکریپت چالاک بکەیت بۆ بینینی. یانیش به‌ ژماره‌ ته‌له‌فۆنی ٠٠٩٦٤٧٩٠١٩٣١٢٨١

© 2019 United Nations Iraq. هەموو مافەکانى پارێزراوە.