دوو شەممە, 20 ئازار 2017 10:31

نوێنه‌ری تایبه‌تی سكرتێری گشتیی نه‌ته‌وه‌ یه‌كگرتووه‌كان سه‌باره‌ت به‌ نه‌ورۆز: هیوادارین مۆته‌كه‌ی داعشی تیرۆریست به‌زوویی كۆتایی پێ بێت

به‌غداد، ٢٠ی ئاداری ٢٠١٧:- نوێنه‌ری تایبه‌تی سكرتێری گشتیی نه‌ته‌وه‌ یه‌كگرتووه‌كان بۆ عیراق یان كۆبیش سه‌ڵاو و پیرۆزبایی گه‌رمی خۆی ئاراسته‌ی خه‌ڵكی عیراق به‌گشتی ده‌كات و به‌ تایبه‌تیش ئه‌وانه‌ی به‌بۆنه‌ی نه‌ورۆزه‌وه‌ ئاهه‌نگ ده‌گێڕن.

به‌ڕێز كوبیش له‌مباره‌وه‌ ده‌ڵێت "له‌ راستیدا نه‌ورۆز كاتی ژیانه‌وه‌یه‌ و سه‌ره‌تایه‌كی تازه‌یه‌ بۆ براده‌ران و ئه‌ندامانی خانه‌واده‌ كه‌ به‌یه‌كه‌وه‌ له‌ كه‌شێكی ئاشتیدا ئاهه‌نگ بگێڕن. به‌داخه‌وه‌، ئه‌مڕۆ بۆ چه‌ندان خه‌ڵك ئه‌م یادكردنه‌وه‌یه‌ هه‌رگیز فه‌راهه‌م نابێت به‌هۆی به‌رده‌وامبونی شه‌ڕی ته‌فروتوناكردنی داعش (ده‌وه‌ڵه‌تی ئیسلامی له‌ عیراق و شام) تیرۆریست له‌ شوێنه‌ سه‌رسه‌خته‌كانی كه‌ ئه‌مه‌ش بووه‌ته‌ مایه‌ی ده‌ربه‌ده‌ركردنی هه‌زاران خه‌ڵك له‌ ماڵوحاڵی خۆیان. من ده‌ستخۆشی له‌ خۆڕاگری و قاره‌مانیی خه‌ڵك ده‌كه‌م به‌رابه‌ر نه‌هامه‌تی و ناخۆشیه‌كان. هیوادارین كه‌ ئه‌م مۆته‌كه‌یه‌ی كه‌ داعش دروستی كردووه‌ به‌زوویی و به‌ڕزگاكردنی موسڵ و ناوچه‌كانی تركۆتایی پێ بێت و ئاواره‌كانیش بتوانن بگه‌ڕێنه‌وه‌ سه‌ر ماڵوحاڵی خۆیان".

ئه‌و هه‌روه‌ها وتیشی "به‌م بۆنه‌وه‌ من ده‌مه‌وێ ده‌ستخۆشی له‌ ئازایه‌تیی هێزه‌كانی ئاسایشی عیراق و هێزه‌كانی پێشمه‌رگه‌ بكه‌م كه‌ ئێستا یان شه‌ڕی داعشی تیرۆریست ده‌كه‌ن و یانیش له‌سه‌رتاسه‌ری وڵاتدا بوونه‌ته‌ پاسه‌وان و هه‌ر قوربانییه‌كانی ئه‌وانیشه‌ كه‌ ئاهه‌نگی نه‌ورۆزی له‌ زۆر ناوچه‌ به‌شێوه‌یه‌كی ئاشتی و رێكوپێك ده‌سته‌به‌ر كردووه‌".

***************
بۆ زانیاریی زیاتر تكایه‌ په‌یوه‌ندی بكه‌ن به‌ به‌رپرسی نوسینگه‌ی راگه‌یاندن و ته‌بێژی (یونامی) به‌ڕێز سه‌میر غه‌تاس به‌ ئیمێلی ئەم ئیمەیڵە پارێزراوە لە سپام, پێویستە جاڤا سکریپت چالاک بکەیت بۆ بینینی. یان ئەم ئیمەیڵە پارێزراوە لە سپام, پێویستە جاڤا سکریپت چالاک بکەیت بۆ بینینی. یانیش به‌ ژماره‌ ته‌له‌فۆنی ٠٠٩٦٤٧٩٠١٩٣١٢٨١
***************

© 2019 United Nations Iraq. هەموو مافەکانى پارێزراوە.