ئەم پەڕەیە چاپ بکە
سێ شەممە, 28 تشرینی دووەم 2017 11:34

یان كوبیشی نوێنه‌ری تایبه‌تی سكرتێری گشتیی نه‌ته‌وه‌ یه‌كگرتووه‌كان ته‌قینه‌وه‌ی خۆكوژییه‌كه‌ ‌ و هێرشه‌ چه‌كدارییه‌كه‌ی سه‌ر هاوڵاتییانی مه‌ده‌نیی به‌غدا ئیدانه ده‌كات

به‌غدا، ٢٨ی تشرینی دووه‌می ٢٠١٧:- نوێنه‌ری تایبه‌تی سكرتێری گشتیی نه‌ته‌وه‌ یه‌كگرتووه‌كان بۆ عیراق یان كوبیش هێرشه‌ "ترسنۆكانه‌" تیرۆریستییه‌كه‌ و ته‌قینه‌وه‌ی خوكوژییه‌كه‌ی شه‌وی ٢٧ی ئه‌م مانگه‌ دژی هاوڵاتییانی مه‌ده‌نی له‌ ناوچه‌ی نه‌هره‌وانی به‌غدا كه‌ بووه‌ مایه‌ی كه‌وتنه‌وه‌ی ده‌یان قوربانی له‌ خه‌ڵكی مه‌ده‌نی به‌ توندی ئیدانه‌ ده‌كات.

به‌ڕێز كوبیش سه‌ره‌خۆشی گه‌رمی خۆی ئاراسته‌ی خانه‌واده‌ی كۆستكه‌وتووان و حكومه‌ت و خه‌ڵكی عیراق ده‌كات و هیوای هه‌رچی زووچاكبوونه‌وه‌ش بۆ برینداره‌كان ده‌خوازێت.

به‌ڕێز كوبیش له‌مباره‌وه‌ وتی "سه‌ره‌ڕای شكسته‌كانی له‌سه‌ر ده‌ستی هێزه‌كانی ئاسایشی عیراق، كه‌چی هێشتا داعش (ده‌وه‌ڵه‌تی ئیسلامی له‌ عیراق و شام)ی تیرۆریست هێزی تێدا ماوه‌ و بۆیه‌ عیراقییه‌كانیش پێویسته‌ بۆ قۆناغه‌كانی داهاتوو زۆر وریا بن ".

ئه‌و زیاتر وتی " هێرشی ترسنۆكانه‌ی تیرۆریستان بۆ دروستكردنی ترس له‌ نێوان عیراقییه‌كاندا، كه‌ ئێستا خه‌ریكی ده‌ربڕینی خۆشین بۆ ته‌فروتوناكردنی ته‌واوی تیرۆر، هه‌رگیز سه‌ركه‌وتوو نابێت چونكه‌ عیراقییه‌كان به‌ یه‌كڕیزی و یه‌كگرتوویی و بڕیاری شێلگیرانه‌ی خۆیان ده‌توانن به‌م‌ زووانه‌ زه‌بری كوشنده‌ له‌ تیرۆریستان بده‌ن".

****

بۆ زانیاریی زیاتر تكایه‌ په‌یوه‌ندی بكه‌ن به‌ به‌رپرسی نوسینگه‌ی راگه‌یاندن و ته‌بێژی (یونامی) به‌ڕێز سه‌میر غه‌تاس به‌ ئیمێلی ئەم ئیمەیڵە پارێزراوە لە سپام, پێویستە جاڤا سکریپت چالاک بکەیت بۆ بینینی. یان ئەم ئیمەیڵە پارێزراوە لە سپام, پێویستە جاڤا سکریپت چالاک بکەیت بۆ بینینی. یانیش به‌ ژماره‌ ته‌له‌فۆنی ٠٠٩٦٤٧٩٠١٩٣١٢٨١