كه‌لار، عیراق، ٢٠١٨ – ئەفسەران و كارمةندانى ثؤليس و ئاسايش لە سنورى ئيدارةى طةرميان دوو رۆژ ڕاهێنانیان بە سەرکەوتویی تەواوکرد کە لەلایەن نوسینگەی مافەکانی مرۆڤی سەر بە نێردەی نەتەوە یەکگرتوەکان بۆ هاریکاری عیراق (یونامی) ڕێکخرابوو دەربارەی پڕەنسیپە سەرەکیەکانی مافەکانی مرۆڤی پەیوەست بە کاری پۆليس و هيزةكانى ئاسايش.

به‌غدا، ٢٣ی ئه‌یلولی ٢٠١٨:- نێرده‌ی نه‌ته‌وه‌ یه‌كگرتووه‌كان بۆ هاریكاریی عیراق (یونامی)، به‌ نوسینگه‌ی ته‌هرانیشیه‌وه،‌ به‌ توندی ئیدانه‌ی هێرشه‌ تیرۆریستییه‌كه‌ی رۆژی ٢٢ی ئه‌یلولی شاری ئه‌هواز ده‌كات له‌ كۆماری ئیسلامی ئێران كه‌ بووه‌ مایه‌ی كه‌وتنه‌وه‌ی كوژراو و بریندار، به‌ منداڵانیشه‌وه، له‌ ریزه‌كانی سوپا و خه‌ڵكی مه‌ده‌نی .

به‌غدا، عیراق – 16ی ئه‌یلولی 2018 – به‌ڕێز یان كۆبیش نوێنه‌ری تایبه‌تی سكرتێری گشتی نه‌ته‌وه‌ یه‌كگرتووه‌كان له‌ عیراق پێشوازیی له‌ هه‌ڵبژاردنی سه‌رۆكی ئه‌نجوومه‌ن و هه‌ردوو جێگره‌كه‌ی ده‌كات له‌ لایه‌ن ئه‌نجوومه‌نی نوێنه‌رانه‌وه‌و، پیرۆزبایی له‌ به‌رپرسانی هه‌ڵبژێردراو ده‌كات كه‌ بریتین له‌ موحه‌مه‌د حه‌لبوسی سه‌رۆكی ئه‌نجومه‌ن و حه‌سه‌ن كه‌عبی و به‌شیر حه‌داد جێگرانی سه‌رۆك ئه‌نجومه‌ن ، نێرده‌ی نه‌ته‌وه‌ یه‌كگرتووه‌كان بۆ هاریكاری عیراق چاوی بڕیوه‌ته‌ كاركردن له‌گه‌ڵ سه‌ركردایه‌تیی تازه‌ی په‌رله‌مان و ئه‌نجوومه‌نی نوێنه‌ران و ئاماده‌یه‌ بۆ پێشكه‌شكردنی هه‌ر جۆره‌ هاوكارییه‌ك كه‌ لێی داوابكرێت.

رووپێوى ديموگرافى له‌ هه‌رێمى كوردستان/عێراق زانياريى گشتگير له‌باره‌ى دۆخى ئێستاى ديموگرافياى دانيشتوان، كاركه‌رى، داهات، خاوه‌ندارێتيى خانوو، كه‌رسته‌ى ناوماڵ، خوێنده‌وارى و ئاستى خوێندن ده‌خاته‌ به‌رده‌ست.
ئه‌م رووپێوه‌ كۆمه‌ڵايه‌تى-ديموگرافييه يه‌كێك له‌ گه‌وره‌ترين كاره‌ ئامارييه‌كانه‌ كه‌ له‌ 1987 به‌دواوه‌ ئه‌نجام ده‌درێت، زانياريى له‌باره‌ى 12,699 خێزان كۆ كردۆته‌وه‌ كه‌ خێزانه‌ نيشته‌جێبووه‌ هه‌ميشه‌ييه‌كان و ئاواره‌كانى هه‌ر سێ پارێزگاى دهۆك، هه‌ولێر و سلێمانيى گرتۆته‌ خۆى.

هەولێر، عیراق، ١١ی ئەیلولی ٢٠١٨ – بەڕێز یان کوبیش، نوێنەری تایبەتی سکرتێری گشتی نەتەوە یەکگرتووەکان بۆ عیراق، سەردانی سلێمانی و هەولێری کرد و لەگەڵ سەرکردەکانی یەکێتی نیشتیمانی کوردستان و گۆڕان و جوڵانەوەی نەوەی نوێ و هاوپەیمانی بۆ دیموکراسی و دادپەروەری کۆبووەوە. ئەمڕۆش لە هەولێر لەلایەن بەڕێز مەسعود بارزانی سەرۆکی پارتی دیموکراتی کوردستان پێشوازی لێکرا و بەجیاش لەگەڵ بەڕێز نێچیرڤان بارزانی، سەرۆکی حکومەتی هەرێمی کوردستان، کۆبووەوە.

(به‌غدا / نیویۆرك، ٦ی ئه‌یلولی ٢٠١٨) به‌ڕێز كه‌ریم خان، راوێژكاری تایبه‌ت و سه‌رۆكی تیمی نه‌ته‌وه‌ یه‌كگرتووه‌كان بۆ لێپیچینه‌وه‌ له‌ تاوانه‌كانی داعش (ده‌وڵه‌تی ئیسلامی عیراق و شام) به‌گوێره‌ی بڕیاری ژماره‌ ٢٣٧٩ی ئه‌نجومه‌نی ئاسایشی نه‌ته‌وه‌ یه‌كگرتووه‌كان، له‌مدواییه‌دا سه‌ردانی عیراقی كرد و راسته‌وخۆ چه‌ندان چیرۆكی ناخهه‌ژێنی له‌ رزگاربووانی ده‌ستی داعشه‌وه‌ بیست. به‌ڕێز خان جه‌ختی له‌سه‌ر پێویستبوونی دڵنیابوون كرده‌وه‌ له‌وه‌ی كه‌ رزگاربووانی توندوتیژییه‌كانی شه‌ڕ پارێزراون و خواسته‌كانیان به‌ره‌وپێش چووه‌ و ئه‌نجامده‌رانی ئه‌م تاوانه‌ قێزه‌ونانه‌ش په‌لكێشی دادگا كراون.

بەغدا، عیراق، ٩ی ئەیلولی ٢٠١٨ – نێردەی نەتەوە یەکگرتووەکان بۆ هاریکاری عیراق کۆبوونەوەیەکی لەگەڵ ئافرەتانی سەرکردە و ئەندامانی پەڕلەمان و وەزیرانی پێشو و کۆمەڵگەی مەدەنی و چالاکوانانی بواری گەنجان ڕێکخست و تیایدا پێداگری کرد لەسەر بەشداری کارای ئافرەتان لە دانوستانەکانی پێکهێنانی حکومەت و وەرگرتنی پۆستی وەزاری کاریگەر لە حکومەتی داهاتوودا.

به‌غدا، ٨ی ئه‌یلولی ٢٠١٨- بەڕێز یان كوبیش، نوێنه‌ری تایبه‌تی سكرتێری گشتیی نه‌ته‌وه‌ یه‌كگرتووه‌كان بۆ عیراق، ئیدانه‌ی توندوتیژیی و پشێوییه‌كانی رۆژانی ئه‌مدواییه‌ی به‌سڕه‌ ده‌كات هه‌ر له‌ هێرشكردنه‌ سه‌ر حكومه‌ت و نوسینگه‌كانی پارته‌ سیاسییه‌كان و راگه‌یاندنه‌كان و نه‌خۆشخانه‌كان و دامه‌زراوه‌كانی نه‌وت و فرۆكه‌خانه‌ تا ده‌گاته‌ سه‌ر تاڵانكردنی كونسولخانە‌ی ئێران و هێرشكردنه‌ سه‌ر موڵكی گشتی و تایبه‌ت. له‌ راستیدا ئه‌م جۆره‌ كاره‌ توندوتیژییانه‌ هیچ سوودێك به‌ داوا ره‌واكانی خه‌ڵك ناگه‌یه‌نن بۆ خزمه‌ت وهه‌لی كار و دژه‌ گه‌نده‌ڵی و بگره‌ ده‌بنه‌ مایه‌ی زیان بۆ داوا ره‌واكان و خواسته‌كان بۆ ژیانێكی شكۆمه‌ند و ئاشتییانه‌.

به‌غداد، ٥ی ئه‌یلولی ٢٠١٨- بەڕێز یان كوبیش، نوێنه‌ری تایبه‌تی سكرتێری گشتیی نه‌ته‌وه‌ یه‌كگرتووه‌كان بۆ عیراق، ئه‌وپه‌ڕی نیگه‌رانی خۆی ده‌ربڕی سه‌باره‌ت به‌ قوربانیانی خۆپیشاندانه‌كان كه‌ به‌هۆی نه‌بوونی خزمه‌تی گشتییه‌وه‌ له‌ به‌سڕه‌ سه‌ریان هه‌ڵداوه‌. ئه‌و سه‌رەخۆشی گه‌رمی خۆی ئاراسته‌ی خانه‌واده‌ی قوربانیان ده‌كات و هیوای هه‌رچی زووچاكبوونه‌وه‌ش بۆ برینداره‌كان ده‌خوازێت.

بەغدا- بەرنامەی نەتەوە یەکگرتووەکان بۆ پەرەپێدان و بەڕێوەبەرایهتی ڕاهێنان و شیاندنی سەر بە وەزارەتی ناوخۆ پێکەوە دوو خولی تاقیکارییان پێشکەش کرد لە بواری ڕاهێنان بە ڕاهێنەران لەسەر بابەتی 'باشترکردنی کاریگەرێتی پۆلیسی ناوخۆ' ماوەی خولەکە دوو هەفتە بوو وە 38 ئەفسەری پۆلیسی پلە مامناوەند ئامادەی خولەکە بوون کە لە ئەکادیمیاکانی ڕاهێنانی پارێزگاکاننی بەغدا و ئەنبار و نەینەوا و بەسرە و سەلاحەدین و کەرکوک و دیالەوە هاتبوون. تەواوی ئامانجی خولەکە بریتی بوو لە ناساندن و بەرزکردنەوەی کارامەیی و زانیاری و تەکنیکەکانی بەشداربوان لە باشترکردنی ئاسایشی گشتی لە بواری کردارەکیدا و هەروەها بۆ ناساندنی تەکنیکی پێشکەشکردنی ڕاهێنانی نوێ و کردارەکی. خولە تاقیکاریەکە وەکو بەدواداچوونێك دانرا و پێشکەشکرا بۆ خولی تاقیکاری ڕاهێنانی 'باشترکردنی کاریگەرێتی پۆلیسی ناوخۆ' کە لە ئازاری 2018 دا پێشکەشکرا.

پەڕەى 1 لەکۆى 56 پەڕەدا
© 2018 United Nations Iraq. هەموو مافەکانى پارێزراوە.