به‌غدا، ٥ی تشرینی دووه‌می ٢٠١٩:- یونامی بۆی ده‌ركه‌وتووه‌ كه‌ پێشێلكاریی زه‌قی مافی مرۆڤ و سوكایه‌تی پێكردن له‌ خۆپیشانده‌كانی ئێستای عیراقدا هه‌یه‌ ، كه‌ له ٢٥ی تشرینی یه‌كه‌مه‌وه‌ ده‌ستیان پێكردووه‌ و تائێستاش درێژه‌یان هه‌یه‌. ئه‌مڕۆ دووه‌مین راپۆرتی نوسینگه‌ی مافی مرۆڤی یونامی‌ بڵاوكرایه‌وه‌ كه‌ درێژه‌پێده‌ری راپۆرتی یه‌كه‌مه‌ كه‌ ماوه‌ی خۆپیشانده‌كانی ١-٩ی تشرینی یه‌كه‌می له‌خۆگرتبوو و له‌ ٢٢ی هه‌مان مانگیش بڵاو كرابۆوه‌.

بڵاوکراوەتەوە لە لێدوانی رۆژنامه‌وانی

بەغدا ، ٢٢ی تشرینی یەکەمی ٢٠١٩ – ڕاپۆرتێکی تایبەت لە لایەن نووسینگەی مافەکانی مرۆڤی سەر بە یونامی بە پوختی نیگەرانییە سەرەکییەکانی پەیوەست بە مافەکانی مرۆڤ لە خۆپێشاندانەکانی عێراق لە ماوەی نێوان ١-٩ ی تشرینی یەکەمی ٢٠١٩ دەخاتە ڕوو . ئەو دەرەنجامە کاتییەی نێردەکە پێیگەیشتووە ئاماژە بەوە دەکات کە لەوانەیە پێشێلکاریی مەترسیدار کرا بێتە سەر مافەکانی مرۆڤ لە کاتی خۆپێشاندانەکانی ئەمدواییە. ڕاپۆرتەکە کۆمەڵێک پێشنیازی تێدایە و داوا لە دەسەڵاتدارانی عێراقیش دەکات ڕێوشوێنی تۆکمە بگرنە بەر بۆ ڕێگرتن لە توندوتیژیی و هێشتنەوەی ئاشتییانەی خۆپیشاندانەکان لە ئایندەدا.

بڵاوکراوەتەوە لە لێدوانی رۆژنامه‌وانی

شاری تكریت، سه‌لاحه‌دین، قه‌ڵای كه‌لتور و هونه‌ر، ٨ی ئایار: - نوسینگه‌ی مافی مرۆڤی یونامی له‌ تكریت ئاهه‌نگی به‌ ئه‌نجامدانی فیستیڤاڵی فیلمی مافی مرۆڤ و كه‌مینه‌كان گێڕا كه‌ تێیدا ٤٥ كه‌س، به‌ گرتنه‌خۆی به‌ڕێوه‌به‌ری پۆلیسی تكریت و نوێنه‌رانی وه‌زاره‌تی ده‌ره‌وه‌ و وه‌زاره‌تی ته‌ندروستی و ئه‌نجومه‌نی پارێزگا و پۆلیسی كۆمه‌ڵگایی تكریت و به‌شی پۆلیسی پاراستنی خێزان و منداڵان و رێكخراوه‌ ناحكومییه‌كان و مامۆستایانی زانكۆی تكریت و چالاكوانانی مافه‌كانی ژنان و رۆژنامه‌نووسان و داكۆكیكارانی مافه‌كانی مرۆڤ و ئه‌كته‌ر و ژه‌نیار و فیلمسازان، به‌شداربوون.

فیستیڤاڵه‌كه‌ بووه‌ مایه‌ی تاوتوێی گه‌رموگوڕ سه‌باره‌ت به‌ پرسه‌كانی مافه‌كانی مرۆڤ كه‌ بریتی بوون له‌ پرسه‌كانی وه‌ك بێسه‌روشوێنكردنی زۆره‌ملێیانه‌‌ و به‌شوودانی به‌زۆر و به‌شوودانی پێشوه‌خت و كاركردنی منداڵ و ده‌رۆزه‌كردن و شوناس و دۆخی خێزانه‌ ئاواره‌كان و جیاكاریی دژی كه‌مینه‌كان و توندوتیژی دژی ژنان و منداڵان و كاریگه‌ریی نه‌رێنیی گه‌نده‌ڵی له‌سه‌ر مافه‌كانی مرۆڤ. جارێكی تر، به‌گوێره‌ی ده‌نگدانی ئاماده‌بووان به‌هێزترین فیلم كه‌ به‌ پله‌ی یه‌كه‌م هات هه‌ر ساندرێللا بوو (له‌سه‌ر هه‌ژاری و هه‌تیوبوون به‌هۆی شه‌ڕه‌وه‌) و فیلمی "ره‌نگه‌كانیش" به‌‌ پله‌ی دووه‌م (جیاكاری دژی كه‌مینه‌كان). شایانی باسه‌، فیلمه‌كانی "دیدی ره‌ش" (گه‌نده‌ڵی) و "ده‌رفه‌تم بده‌یه‌" ش ده‌نگی باشیان هێنا.

وێنه‌: حارس ئه‌لعوبه‌یدی/ نوسینگه‌ی راگه‌یاندنی یونامی

گاله‌ری وێنه‌كان

بڵاوکراوەتەوە لە چیرۆك و وتار

نوسینگەی مافەکانی مرۆڤی سەر بە نێردەی نەتەوەیەکگرتوەکان بۆ هاریکاری عیراق ( یونامی) لە ٥ی کانونی یەکەمی ٢٠١٨ دا مێزگردێکی یەک ڕۆژەی ئەنجامدا لەگەڵ پارێزەران و چالاکوانانی کۆمەڵگەی مەدەنی نەینەوا بە مەبەستی تاوتوێکردنی سیتەمی دادپەروەری تاوان لە نەینەوا لە دوای کەوتنی داعشدا. بەشداربوان لەم مێزگردەدا هەڵسان بە ئاڵوگۆڕکردنی ئەزموونی خۆیان لەسەر چەسپاندنی دادپەروەری و مامەڵەکردن لەگەڵ قوربانیانی توندوتیژی سێکسی و گڕوپە فەرامۆشکراوەکان. ئەمەو ئەم مێزگردە یەکێک بوو لە گەلێک کۆڕو کۆبونەوانەی تر کە لە مانگەکانی داهاتوودا دەربارەی بابەتەکانی پەیوەست بە دادپەروەری لەم پارێزگایەدا ئەنجام دەدرێت.

بڵاوکراوەتەوە لە لێدوانی رۆژنامه‌وانی

هەولێر، عێراق، ١٥ی تشرینی دووەمی ٢٠١٨ – ڕێکخراوە ناحکومییەکان و میدیاکاران و چالاکوانانی کۆمەڵگەی مەدەنی بەشداربوون لە ڕاهێنانێکی یەکڕۆژی دەربارەی ئازادی ڕا و ڕادەربڕین، ئازادی گردبوونەوە و بایەخی ڕاگەیاندنی بەرپرسیار لە هەرێمی کوردستانی عێراق. ڕاهێنانەکە لەلایەن ئۆفیسی مافەکانی مرۆڤی نێردەی نەتەوەیەکگرتووەکان بۆ هاریکاریی عێراق لە هەولێر بۆ نوێنەرانی دەستەی سەربەخۆی مافی مرۆڤی هەرێمی کوردستان و چالاکوانانی تر کە لەبواری ئازادی ڕادەربڕین و ئازادی گردبوونەوە کاریان کردووە.

بڵاوکراوەتەوە لە چیرۆك و وتار

بەغدا / جنێڤ، ٦ی تشرینی دووه‌می ٢٠١٨- بەگوێرەی راپۆرتی نه‌ته‌وه‌ یه‌كگرتووه‌كان کە ڕۆژی سێشەممە دەرچوو، زیاتر له‌ ٢٠٠ گۆڕی به‌كۆمه‌ڵ دۆزراوەتەوە لەو ناوچانەی پێشتر لە ژێر دەسەڵاتی داعشدا بوون لە عیراق ، ئەم گۆڕانە لاشەی هەزاران قوربانی تێدایە. ڕاپۆرتەکە تیشک دەخاتە سەر هەڵمەتەکانی تیرۆر و توندوتیژی داعش و‌ پشتگیری له‌ داواكانی خانه‌واده‌ی قوربانیان ده‌كات لە ئاشکراکردنی ڕاستییەکان و دادپەروه‌ری.

بڵاوکراوەتەوە لە لێدوانی رۆژنامه‌وانی

دهوک ، 7-9 ى ئایارى 2018- ئۆفیسى مافەکانى مرۆڤ لە نێردەى نەتەوە یەکگرتوەکان بۆ هاوکارى کردنى عیراق هەڵسا بە رێکخستنى وۆرک شۆپێک لە دهوک بۆ چالاکوانانى مافەکانى مرۆڤ و ستافی ئەو رێکخراوە ناحکومیانەى کە لە بوارى مافەکانى مرۆڤ کار دەکەن.

بڵاوکراوەتەوە لە لێدوانی رۆژنامه‌وانی

بەغدا، ١٢ی کانونی یەکەمی ٢٠١٧ – تیمێکی نوسینگەی مافی مرۆڤی نێردەی نەتەوە یەکگرتووەکان بۆ هاریکاری عیراق (یونامی) لە بەرواری ٧ی کانونی یەکەمی ٢٠١٧دا سەردانی توزخورماتویان لە پارێزگای سەڵاحەددین کرد بەمەبەستی لێکۆڵینەوە لەو ڕاپۆرتانەی کە باس لە ڕووخاندنی سزائاسای موڵکی دانیشتووانی ئەو شارە دەکات، ئەوانەی کە بەهۆی پێکدادانەکان لەو ناوچەیە لە مانگی تشرینی یەکەمەوە ئاوارەبوون و هەروەها ڕاپۆرتی تۆقاندن وەک ڕێگرییەک لەبەردەم گەڕانەوەی ئاوارەکان بۆ سەر ماڵ و حاڵی خۆیان بە سەلامەتی.

بڵاوکراوەتەوە لە لێدوانی رۆژنامه‌وانی

دهۆک 7ی کانونی یەکەمی 2017- پتەوکردنی هۆشیاری لە بواری مافەکانی مرۆڤدا لە هەرێمی کوردستانی عیراق تەوەری سەرەکیی ڕاهێنانێکی سێ ڕۆژی بوو بۆ 24 مامۆستای ناوەندی لە دهۆک.

بڵاوکراوەتەوە لە لێدوانی رۆژنامه‌وانی

ژنێڤ، ٢٧ی كانونی یه‌كه‌می ٢٠١٧:- نوسینگه‌ی مافی مرۆڤی نێرده‌ی نه‌ته‌وە یه‌كگرتووه‌كان بۆ هاریكاریی عیراق (یونامی) گەشتێکی فێرکاری بۆ‌ رێكخراوه‌ ناحكومییه‌كانی عیراق و هه‌رێمی كوردستانی عیراق ئه‌نجامدا. چه‌قی قورسایی گەشتە فێرکارییەکە‌ له‌سه‌ر "ئه‌نجومه‌نی كۆمه‌ڵایه‌تی و ئابووریی نه‌ته‌وه‌ یه‌كگرتووه‌كان" بوو‌ به‌گرتنه‌خۆی ئه‌وه‌ش كه‌ چۆن ئه‌و رێكخراوانه‌ بتوانن ستاتۆس(ره‌وش)ی راوێژپێدان به‌ده‌ست بهێنن. نوێنه‌ری ١٧ رێكخراوی ناحكومی و ده‌زگا په‌یوه‌ندداره‌كانی عیراق و هه‌رێمی كوردستانی عیراق (١٢ پیاو و ٥ ژن) له‌م گەشتە فێرکارییە سوودمه‌ندن.

بڵاوکراوەتەوە لە لێدوانی رۆژنامه‌وانی
پەڕەى 1 لەکۆى 5 پەڕەدا
© 2019 United Nations Iraq. هەموو مافەکانى پارێزراوە.