پێنج شەممە, 27 ئاب 2020 01:23

نوێنەری تایبەتی نەتەوە یەکگرتووەکان سەرکۆنەی ڕووداوی تەقینەوەی بؤمبی چێندراو بەکاروانی ڕێکخراوی جیهانی خۆراک دەکات

بەغدا، ٢٦ی ئابی ٢٠٢٠- بەیانی ڕۆژی چوارشەممە لە سەر ڕێگای موسڵ- هەولێر نزیک شارۆچکەی بەرتلەی سەر با پارێزگای نەینەوا ، بۆمبێکی چێندراو تەقیەوە و زیانی بە ئۆتؤمبێلێکی تێپەڕیوی نەتەوە یەکگرتووەکان گەیاند . لە ئەنجامدا کارمەندێکی بەرنامەی نەتەوە یەکگرتووەکان ئازاری پێگەیشت و ڕەوانەی نەخۆشخانەیەکی شاری هەولێر کرا.

 

دەزگا تایبەتەکان دەستیان بە لێکۆڵینەوە کرد لە ڕووداوەکە.

لەم بارەیەوە جێنین هێنیس- پلاسخارت نوێنەری تایبەتی نەتەوە یەکگرتووەکان لە عێراق بە توندی سەرکۆنەی ڕوداوەکەی کرد و وتی" ئەم ڕوداوە بەربەست بۆ هەوڵەکانی فریاگوزاری دروست دەکات کە گەلی عێراق زۆر پێویستی پێیەتی."

هەروەها خاتو ئیرینا ڤۆیاشکۆڤا-سۆلیۆرانۆ جێگری نوێنەری تایبەت وهەماهەنگیکاری نیشتەجێ وکاروباری مرۆیی سەبارەت بەم ڕوداوە وتی" ئەو لایەنانەی کارو باری مرۆیی پێشکەش دەکەن بە زۆری لە ناوچە مەترسیدارەکان کاردەکەن و هەروەها ئەوپەڕی تواناکانیشیان دەخە گەڕ بۆ ئەوەی بگەن بەو کەسانەی پێویستن . ئەم ڕوداوەش وەبیرهێنانەوەیەکی بەهێزی ئەومەترسیانەیە کە ڕۆژانە ڕووبەڕوویان دەبێتەوە."

*********

بۆ زانیاریی زیاتر تكایه‌ په‌یوه‌ندی بكه‌ن به‌ به‌رپرسی نوسینگه‌ی راگه‌یاندن و ته‌بێژی (یونامی) به‌ڕێز سه‌میر غه‌تاس به‌ ئیمێلی ئەم ئیمەیڵە پارێزراوە لە سپام, پێویستە جاڤا سکریپت چالاک بکەیت بۆ بینینی. یان ئەم ئیمەیڵە پارێزراوە لە سپام, پێویستە جاڤا سکریپت چالاک بکەیت بۆ بینینی. یانیش به‌ ژماره‌ ته‌له‌فۆنی ٠٠٩٦٤٧٩٠١٩٣١٢٨١

© 2020 United Nations Iraq. هەموو مافەکانى پارێزراوە.