دوو شەممە, 07 کانونی یەکەم 2020 16:57

کۆنفرانسی نیشتمانیی گەنجان داوای بەشداریکردنی زیاتری گەنجان دەکات لە داڕشتنی نەخشەی ئایندەی وڵات

بەغدا- پێویستە گەنجانی عێراق ڕۆڵێکی گرنگ بگێڕن لە داڕشتنی نەخشەی ڕێڕەوی سیاسی ئایندەی وڵات، و هەروەها لە گەشە ئابووری و کۆمەڵایەتییەکاندا، ئەمەش بە پێی ئەو ڕاسپاردانەی کە پێشکەشی ئەو کۆنفرانسە نیشتمانیە کرابوو کە لە ٢٢ی تشرینی دووەم لە بەغدا ساز درابوو. ئەم کۆنفرانسە دوا بە دوای ١٨ سەکۆیکار هات کە لە هەژدە مانگی دواییدا هەریەکەی لە پارێزگایەک کرابوو و بە سەدان گەنجی کۆکردبۆوە بۆ تاوتوێکردنی بەشداریکردنیان لە داڕشتنی ئایندەی عێراق.

٣٣٤ کوڕ و ٢٤٦ کچ لە پاشخانی جۆراوجۆر بەشداریان لە سەکۆیکارەکان کرد کە بە ناونیشانی " گەنجانی عێراق: پێشەنگ لە دیالۆگ و سەقامگیریدا"بوون و لە لایەن نێردەی نەتەوە یەکگرتووەکان بۆ هاریکاری عێراق بە هەماهەنگی لێژنەی پێکەوەژیان و ئاشتیی کۆمەڵگایی سەر بە نووسینگەی سەرۆک وەزیران و ڕێکخراوی ئەمەلی عێراقی ڕێکخرابوون. بەشداربووان کە بریتی بوون لە خوێندکاران و پیشەگەران و چالاکانی کۆمەڵایەتی وبێکاران و هەمووشیان تەمەنیان لە نێوان ١٨-٣٠ ساڵ بوو ، لە گشت سەکۆیکارەکان پەیامیکیان هەبوو : گەنجان دەیانەوێت دەنگیان ببیسترێت و ڕۆڵی زیاتریان هەبێت لە بەڕێوەبردنی وڵاتەکەیاندا.

کۆنفرانسی نیشتمانیی لاوان ١٧ کچ و ١٦ کوڕی گەنجی لە خۆگرتبوو. ئەوان ئاکام و ڕاسپاردەکانی سەکۆیکاری پاریزگاکانیان پێشکەش بە بەرپرسە باڵاکان و نوێنەرانی حکومەت کرد. ڕاسپاردەکان بریتی بوون لە پتەوکردنی ڕۆڵی گەنجان لە پرۆسەی بڕیار دروستکردن و برەودان بە بەشداریکردنی سیاسی گەنجان و بەتواناکردنی ئابوورییان و بەهێزکردنی سەروەریی یاسا و جێبەجێکردنی و باشترکردنی دەرفەتەکانی کارکردن و وەبەرهێنانی خۆجێی و کۆنتڕۆلکردنی چەکەکان لە لایەن حکومەتەوە و پاراستنی ئافرەتان لە توندوتیژیی ناوماڵ و پاراستنی ژینگە و زاڵ بوون بەسەر پێکدادانە خێڵەکییەکان.

چەندین بەرپرسی حکومی لە کۆنفرانسەکە ئامادە بوون لە نێوانیان سوها ئەلنەجار سەرۆکی لیژنەی وەبەرهێنانی نیشتمانی و عەباس علێوی سەرۆکی لێژنەی وەرزش و لاوان و مەیسون ساعیدی سەرۆکی لێژنەی خێزان و ئافرەتان و منداڵان و هوشام داود ڕاویژکاری سەرۆک وەزیران و سەرۆکی لێژنەی پێکەوەژیان و ئاشتیی کۆمەڵگایی و ئەکرەم عەتوان نوینەری وەزارەتی وەرزش و لاوان. بەرپرسە حکومییەکان لە دەستپێکی وتەکانیان و دواتریش لە کاتی گفتوگۆکانیان لە گەڵ گەنجان هاوڕابوون لەسەر ئەوەی بەشداری پێکردنی گەنجان هۆکارێکی گرنگە بۆ وەدەستهێنانی چاکسازییە کۆمەڵایەتی و سیاسی و ئابوورییە پێویستەکان لە پێناو ئایندەیەکی خۆشگوزەران و سەقامگیری ولات. ئەوەشیان دووپات کردەوە کە لایەنی حکومی پەیوەندار کار لەسەر ڕاسپاردەکان دەکات ، بەوراسپاردانەش کە پێویستی بە یاسا دەرکردن هەیە لە ئەنجومەنی نوێنەران.

ئەلیس وۆڵپۆڵ ، جێگری نوێنەری تایبەتی سکرتێری گشتی نەتەوە یەکگرتووەکان لە عێراق لە وتەکەی بەرامبەر کۆنفرانس وتی " ئەمڕۆ ، ئامادەبوونتان لێرە و بەشداریکردنی ئیلهام بەخشتان لە گشت زنجیرە سەکۆیکارەکان ، متمانەی ئەوەم پێدەبەخشن کە گەنجانی عێراق ئامادەی ئالنگاری دۆزینەوەی ڕیگاچارەی هەماهەنگیکارانەو داهێنەرانەن بۆ زاڵ بوون بەسەر ئەو بەربەستانەی دووچاری وڵاتەکەتان دەبێتەوە."

هەروەها لە درێژەی وتەکەیدا وتی " چ بە خۆکاندیکردن یان بە یەرمەتیدان لە ‌هەڵمەتی هەڵبژاردن یانیش بە چاودێریکردنی پرۆسەی ‌هەڵبژاردنەکان و هەروەها لە کاتی بەکارهێنانی مافەکەت لە دەنگدان ، من هانتان دەدەم دەرفەتەکان بقۆزنەوەو بۆ ئەوەی دەنگتان ببیسترێت"

زانیاری زیاتر

  • Agency: UNAMI
© 2021 United Nations Iraq. هەموو مافەکانى پارێزراوە.