دوو شەممە, 04 کانونی دووەم 2021 11:55

ئەڵمانیا يارمه‌تى بەرنامەی خۆراكی جیهانی نەتەوە یەكگرتووەكان ده‌دات بۆ پاڵپشتيكردنى خێزانە كەمدەرامەت و هەژارەكان لە سەرانسەری عێراق دا گرنگ

بەغداد- بەرنامەی خۆراكی جیهانی نەتەوە یەكگرتووەكان (WFP)، كۆمەكیكی بەخشندە و دڵفراوانی ، بە بڕی 21 ملیۆن یۆرۆ وەرگرت، لە حكومەتی فیدڕاڵی ئەڵمانیاوە، بۆ پاڵپشتیكردنی خێزانە كەمدەرامەت و هەژارەكان لە سەرانسەری عێراق دا و هەروەها بۆ بە ژمارەیی كردن و چاكسازیكردن لە سیستەمی دابەشكردنی گشتی نیشتمانی (PDS) ی ووڵات دا بۆ بەشە خۆراك.

كۆمەكییەكە بەشێكە لە پابەندییە فرە ساڵانییەكەی ئەڵمانیا بۆ كارەكانی بەرنامەی خۆراكی جیهانی (WFP) لە عێراق كە دەبێتە هۆی دانانی پلانی تۆكمەی بەهێزی پێشوەخت ، بۆ دابینكردنی باشتری پێویستییەكانی خەڵكی لە پاش ململانێ و لە میانی پەتای كۆرۆناو دواتریش دا. لە كاتێكدا ملیۆنەها خێزانی ئاوارەی عێراقی توانییان بگەڕێنەوە بۆ زێدی خۆیان، ئاسایشی خۆراكیی هەر بە سەختی ماوەتەوە ، نەك تەنها بۆ 1.3 ملیۆن ئاوارەی ناوخۆیی و 242000 پەنابەر لە ووڵاتەكەدا، بەڵكو بۆ بەشێكی گەورەی دانیشتوانی عێراقیش، ئاسایشی خۆراكیی هەر بە دژواری ماوەتەوە.

"لەم كاتی كۆڤید- 19 دا، كە بووە هۆی سەرهەڵدانی قەیرانە ئابوورییەكان ، دەست ڕاگەشتن بە خۆراك و خۆراكی كەڵكدەر، ئاڵنگارییەكی گەورەیە" ئۆلی دییل ، باڵیۆزی ئەڵمانیا لە كۆماری عێراق دا ڕایگەیاند. “ئەڵمانیا خۆشحاڵە بە فەراهەم كردنی 21 ملیۆن یۆرۆ بۆ بەرنامەی خۆراكی جیهانی لە 2020 دا بۆ دابینكردنی ئەو پێویستییانە “. ئەو بودجەیەمان بە كاردەهێنرێت لە چالاكیی مرۆیی ژیان رزگاركەردا، وەك یارمەتییە خۆراكییەكان و هەروەها بەهێزكردنی توانای بەرەنگاربوونەوەی بەشێكی گەورەی دانیشتوانی عێراق لە دوور مەودادا، بۆ نمونە لە ڕێگەی ڕێبازە داهێنان كارییەكانی بەژمارەییكردنی سیستەمی دابەشكردنی گشتی نیشتمانی (PDS) بۆ بەشە خۆراك، گەورەترین سیستەمی پاراستنی كۆمەڵایەتی.

بەو ڕیكۆرد و ناوبانگە بەهێزەی، بەرنامەی خۆراكی جیهانی سەلماندی كە هاوبەشێكی جێ متمانەو باوەڕپێكراوی حكومەتی فیدڕاڵی ئەڵمانیایە و ئێمە بە پەرۆشەوە دە ڕوانینە بەردەوامبوون لە هەماهەنگیمان دا.”

كۆمەكییەكە ، یارمەتی WFP دەدات لە پاڵپشتی كردنی كۆمەڵە هەمەچەشنەكانی وەك خێزانە ئاوارەكان و پەنابەران و كۆمەڵگە خانەخوێیەكان ، لە ڕێگەی هاوكاری خۆراكیی بۆ خێزانە هەژار و كەمدەرامەتەكان و دەستپێشخەرییەكانی بەدەستهێنانی هەلی كار لە سەرانسەری ووڵات دا. دەستپێشخەرییەكان لەوانە پرۆگرامی EMPACT ” كرداری دەسەڵات پێدان “ ی گەنجان ، كە براوەی خەڵاتە .

عەبدوڕەحمان مەیگاگ، نوێنەری بەرنامەی خۆراكی جیهانی ووتی:
"ئیمە سوپاسگوزاری پابەند ییە فرە ساڵانەیی و دوور مەوداكانی ئەڵمانیا ین بۆWFP لە عێراق دا تاكو 2023. پابەندی ئەڵمانیا ، بەرنامەی خۆراكیی جیهانی دەستكراوە و بە توانا دەكات بۆ ڕزگاركردنی ژیان و گؤڕینی ژیان لە عێراق دا ، لە ڕێگەی رێبازێكی گشتگیری بەهاناوە چوون و بووژاندنەوە و بنیاتنانەوەی توانای بەرەنگاربوونەوەی خەڵكی، لە كاتی گەڕانەوەیان بۆ ناوچەكانیان لە پاش ململانێ. هەوروەها ئەم پاڵپشتییە ، كارەكانی WFP یش دەگرێتەوە لە گەڵ وەزارەتی بازرگانی دا، بۆ چاكسازیكردن لە سیستەمی دابەشكردنی گشتی بەرنامەی پاراستنی كۆمەڵایەتی ، بۆ هەموو ئەو خێزانانەی كە سوودمەند دەبن لێی"

لە 2020 دا، بەرنامەی خۆراكیی جیهانی چالاكیییە نوێیەكانی توانای بەرەنگاربوونەوە ی لە باشووری عێراق خستە گەڕ ، بۆ هەندێك لە هەژارترین و كەمدەرامەتترین كۆمەڵگەكان. پاڵپشتی ئەڵمانیا لە سەرانسەری وولات دا، یارمەتی سووكتركردن و كەمتركردنی شوینەوارە كۆمەڵایەتی و ئابوورییەكانی پەتا جیهانییەكە لە سەر چینە زۆر هەژارو كەمدەرامەتەكان، دەدات.


# # # #

بەرنامەی خۆراكی جیهانی نەتەوە یەكگرتووەكان، براوەی خەلاتی نۆبڵی 2020 ە. ئێمە گەورەترین رێكخراوی مرۆیی جیهانین، ژیان رزگار دەكەین لە دۆخە نەخوازراوەكان دا و یارمەتییە خۆراكییەكان بەكاردەهێنین بۆ بنیاتنانی ڕێگایەك بۆ ئاشتی، ئارامی و بەختەوەریی و بووژانەوەی خەڵكی لە پاش ململانێ، قەیرانەكان و كاریگەریی گۆڕانی كەش و ئاووهەوا.

بۆ زانیاری زیاتر تكایە پەیوەندی بكە بە ئیمەیڵ ئەدرەسی: ئەم ئیمەیڵە پارێزراوە لە سپام, پێویستە جاڤا سکریپت چالاک بکەیت بۆ بینینی.
شارۆن ڕاپۆس، WFP هەولێر، 07809150962، ئەم ئیمەیڵە پارێزراوە لە سپام, پێویستە جاڤا سکریپت چالاک بکەیت بۆ بینینی.

© 2021 United Nations Iraq. هەموو مافەکانى پارێزراوە.