ئەم پەڕەیە چاپ بکە
سێ شەممە, 26 کانونی دووەم 2021 18:48

رێکخراوا کاری یا نێڤدەولەتی و یونیسێف ب هەڤرا کاردکەن بۆ پشتەڤانیکرنا گەنجێن بێ هێز د عیراقێ دا بۆ پێشڤەبرنا شیان و ڤەگۆهاستنا وان ژ راهێنان بۆ کرێکارێن خودان شیان، ب پشتەڤانیا حکومەتا هولەندا

بەغدا، 26کانونا دوویێ یا سالا 2021ێ – سندوقا نەتەوەیێن ئێکگرتی یا زارۆکا (یونیسێف) و رێکخراوا کاری یا نێڤدەولەتی (ئای ئێل ئو) ل عیراقێ ب هەڤرا کاردکەن بۆ هاریکاریکا گەنجێن ب زۆری ئاوارەبووین و هاریکاریکرنا ئەندامێن کومەلگەها مێهڤاندار بۆ پێشڤەبرنا شیان و ڤەگۆهاستنا وان ژ راهێنان بۆ کرێکارێن خودان شیان،

هەردوو رێکخراو ب پشتەڤانیا حکومەتا هولەندی، وەک بەشەک بۆ پێشڤەبرنا پاشەرۆژی بۆ گەنجێن ب زۆری ئاوارەبووین و ئەندامێن کومەلگەها مێهڤاندار (PROSPECTS)، دێ رێبازەکێ پێکئینن کو هاریکارە بۆ ڤەگۆهاستنا گەنجا بۆ کرێکار و پەیداکرنا دەلیڤێن ئابوری برێکا ئێکسەر گرێدانا گەنجێن تەمەنێن ١٨ بۆ ٢٤ سال یێن کو خو تۆمارکری بۆ خزمەتگۆزاریێن ئاڤاکرنا شیانا یا یونیسێف ل سەنتەرێن گەنجا ل ژێر سەرپەرشتیا رێڤەبەریا گەنجا ل دهۆکێ ب پشتەڤانیا سەنتەرێن خزمەتگۆزاریێن رێکخراوا نێڤدەولەتی یا کاری یاکو ژ لایێ وەزارەتا کار و کاروبارێن جڤاکی ڤە دهێتە برێڤەبرن.

لژێر سەرپەرشتیا ڤی پرۆگرامی، ژمارەکا گەنجێن بێ هێز، کۆر و کچ، دێ فێری شیانێن ژیان، دیجیتالی و کارسازیێ بن، شیانێن پێدڤی بۆ مارکێتا سەردەم یا کارکرنێ. ل وی دەمی دێ دەستێ وان گەهیتە خزمەتگۆزاریێن کارکرنێ، و هێنە ئاراستەکرن بۆ راهێنانێ کاری کو دێ پتر شیانێن وان پێشڤەبەت بۆ کارکرنا ب پارە یان ژی بنە خودان کارێ خو.

بەهرا پترا (هەشت ژ هەر دەهان) گەنجێن ب زۆری ئاوارەبووین ب کێمی ٥ سالە ل عیراقێ دژین، ب دەلیڤەکا گەلەک کێم بۆ ڤەگەریانەکا نێزیک بۆ جهێن خو. پرۆگرام کار ل سەر وێ چەندێ دکەت بۆ بەرهەڤکرنا گەنجان ب شیانێن پێدڤی بۆ پەیداکرنا نانێ ژیانێ و باشتر خو گونجاندنێ د کومەلگەهەکا مەزنتر دا.

پرۆژێ پری حەز و داهێنەر پێشڤەبرنا کارکرنا گەنجا ل عیراقێ و هاندانا ڤەگۆهاستن ژ فێربوون بەرەف کارکرنێ دکەتە ئارمانج. ئارمانج هاریکاریکرنا کەسێن گەنجە بۆ پەیداکرنا کاری ل بازارەکێ کارێ بزەحمەت. یونیسێف دێ کاری دگەل هەڤپشکێن خو کەت، رێکخراوا نێڤدەولەتیا کاری، بۆ هاریکاریکرنا گەنجان بۆ پەیداکرنا دەلیڤێن باشتر و پاشەرۆژەکا باشتر، هاتیە شرۆڤەکرنا ژ لایێ پاولا بولانشی، هاریکارا نوینەرا یونیسێف ل عیراقێ.

دەماکو گەنج روونشتنا پێشڤەبرنا شیان بدۆماهیک دئینن، دێ بنە خودان رێبەریا پێدڤی یا پێدڤیا کاری و خزمەتگۆزاریێن دەلیڤێن کاری کو دێ وان ب کارێن پێشبینیکری ڤە گرێدەت. هەروەسا، دەستپێشخەری دێ هاریکاربیت بۆ گرێدانان گەنجا یێن حەزا دەستپێکرنا بازرگانیا خو هەی دگەل پرۆگرامێ راهێنانی یێ رێکخراوا نێڤدەولەتیا کاری یا کارساز و دارایی و دابینکرنا گەهشتن ب سازیێن بانک و دارایی، بۆ بەرهەڤکرنا بارزگارنیا خویا تایبەت. زێدەباری، رێکخراوا نێڤدەولەتیا کاری دێ هەڤکاربیت دگەل ئەکتەرێن سێکتەرێ خوجهی یێن تایبەت بۆ بلەزکرنا رێبازا “فێربوون بۆ پەیداکرن” یا پرۆگرامی.

“ب بەرچاڤ وەرگرتن و پشتراستکرنا کەسانێن ب زۆری ئاوارەبووین و ئەندامێن کومەلگەها مێهڤاندار رێکێن پتر و باشتر هەبن ب گەهشتن ب کارێن رێک و پێک خالەکا هەستیارە و پێخوشحالین ژ نێزیک دگەل یونیسێف کاردکەین ل ژێر ڤی پرۆژێ هەفکاریا PROSPECTS ، بۆ پشتەڤانیکرنا گەنجێن لدیف کاری دگەرن و کارسازان بۆ پێشڤەبرنا شیانان برێکا بکارئینانا کەرستێن هاتینە دامەزراندن و جەرباندن یێن رێکخراوا نێڤدەولەتیا کاری، هەردیسان برێکا خزمەتگۆزاریێن دارایی و پێشتەڤانیێن دی، هاتیە گۆتن ژ لایێ ماها کاتا، رێکخەرا وەلاتی بۆ عیراقێ.”

هەردیسان ئارمانج بەرفرەهکرنا هەڤکاریێ یە دگەل پارچێن دی یێن عیراقێ. یونیسێف و رێکخراوا نێڤدەولەتیا کاری د پلان دایە بۆ بەرفرەهکرنا هەڤکاری و پرۆگرامێ خو بۆ پارچێن دی یێن عیراقێ. ئەڤ هەفکاریە بەشەکە ژ شیانێن هەڤپشکێن ئاژانسا ل ژێر پرۆژێ هەفکاریا (PROSPECTS partnership)، بۆ هاندانا پاراستن و تێکەلکرن، فێربوون، پێشڤەبرنا شیان، هەروەسا، گەهشتن ب دەلیڤێن دارایی و ئابوری بۆ کەسانێن ب زۆری ئاوارەبووین و ئەندامێن کومەلگەها مێهڤاندار.

پرۆژێ هەفکاریا (Porspects)، هەڤکاریەکا ستراتیژیا جیهانی یا چار سالیە، کو پشتەڤانیا کومەلگەهێن مێهڤاندار و ئاکانجیێن ئاوارەبووی ل هەشت وەلاتان دکەت ل رۆژهەلات و باکۆرێ ئەفریکا و وەلاتێن عەرەبی، هەردیسان پێکدهێت ژ رێکخراوا دارایی یا نێڤدەولەتی (IFC)، بانکا جیهانی (WB)، کومسیونا بلند یا نەتەوەیێن ئێکگرتی بۆ کاروبارێن پەنابەران (UNHCR).