هەینی, 04 ئاب 2017 16:08

حکومەتی عێراق و UNDP پێکەوە ڕێککەوتنێکی گەورەیان واژۆ کرد بۆ برەودان بە ئاشتەوایی لەسەر ئاستی کۆمەڵگادا

به‌غدا, ٤ ى ئابى ٢٠١٧ ـ بەرنامەی نەتەوەیەکگرتوەکان بۆ پەرەپێدان (UNDP) و لیژنەی جێبەجێکردن و بەدواداچوونی ئاشتەوایی نیشتیمانی (IFNRC) ی سەر بە نوسینگەی سەرۆک وەزیرانی عێراق ڕێکەوتننامەیەکی گەورەی هاوبەشییان بۆ برەو دان بە ئاشتەوایی لەسەر ئاستی مەدەنی و کۆمەڵگاکاندا لە بەغداد واژۆ کرد.

لە ڕێی ئەم هاوبەشێتیەوە،UNDP برەو دەدات بە پشتیوانیکردنی لیژنە ناوخۆییەکانی ئاشتەوایی و یارمەتی کۆمەڵگاکان دەدات بۆ کۆکردنەوەی زانیاری لەسەر ئەو کارە دڕەندانە و پێشێلکاریەکانی دەرهەق بە هاوڵاتیان لە ماوەی ململانێکاندا ئەنجام دراوە.

سەرۆکی IFNRC، بەڕێز موحەمەد سەلمان ئەلسەعدی، وتی:" لە پاش شکستی داعش، ئاشتەوایی نیشتیمانی خراوەتە گرنگترین کارەکانی ئەجێندای حکومەتەوە، بە تایبەتی ئاشتەوایی کۆمەڵگاکان. ئەم هاوبەشییە لەگەڵ UNDP دا جیاوازییەکی گەورە دروست دەکات لەو لایەنەی کە زۆر گرنگە: ئەویش ژیانی هاوڵاتیە عێراقیەکانە لە سەرتاپای ئەم وڵاتەدا."

 

نوێنەری نیشتەجێی UNDP لە عێراق، خاتوو لیز گراندێ، وتی :" ئاشتەوایی یەکێکە لە گەورەترین ئەولەویەتەکانی ئەم وڵاتە. UNDP بەڵێندەدات ئەوەی لەتوانایدا بێت ئەنجامی بدات بۆ پشتیوانیکردنی حکومەت و هاوڵاتیانی عێراق لەکاتێكدا پێکەوە کاردەکەن بۆ بنیادنانەوەی کۆمەڵگاکانیان لەپاش ئەزمونی تاڵی ململانێکەدا."

 

خاتوو گراندێ وتیشی:"UNDP دەستیکردوە بە یارمەتیدانی لایەنی مادیی لە بنیادنانەوەی شار و قەزا ئازادکراوەکاندا. ئامانجی ئەم هاوبەشییە نوێیە بریتیە لە تەرکیزکردنەوە سەر ئاشتەوایی بۆ دڵنیابوون لەوەی ئاشتی بەردەوام دەبێت."

 

 

#IraqReconciliation

 

 

بۆ زانیارى زیاتر پەیوەندی بكه‌ به‌:

 

UNDP لە عێراق

خاتوو نیداء هیلال، بەرپرسی پەیوەندیەکان

ئیمێل: ئەم ئیمەیڵە پارێزراوە لە سپام, پێویستە جاڤا سکریپت چالاک بکەیت بۆ بینینی.

مۆبایل: 009647804473336

© 2021 United Nations Iraq. هەموو مافەکانى پارێزراوە.