سکرتێر گشتی سەرکۆنەی تەقینەوە خۆکوژییە خوێناوییەکەی بەغدا دەکات کە بازاڕێکی پڕ مەدەنی شاری بەغدای کردە ئامانج. ئەو سەرەخۆشی گەرمی خۆی ئاراستەی خانەوادەی قوربانییان و حکوومەت و خەڵکی عێراق دەکات و هیوای هەرچی زوو چاکبوونەوەش بۆ بریندارەکان دەخوازێت.

تا ئێستاش بێکاری ئالنگارییەکی بەردەوامە لە عێراق بە تایبەتێش بۆ گەنجان و ژنان . زۆربەی ئاوارە نێوخۆییەکان بێکارن و یانی بە نا فەرمی کاردەکەن و یانیش لە دەرەوەی هێزی کارن . پەتای کۆڤید-١٩ ئەم ئالنگارییەی بێکاری ئاڵۆزتر و قورستر کردووە. لەم چوارچێوەیەدا، ڕەخساندنی دەرفەتی کار و گوزەرانکردن بە سەرلیستی دەمێنێتەوە لە پێناو پتەوبوونی شیرازەی کۆمەڵایەتی و باشترکردنی تواناکانی بەرەنگاربوونەوە.

بەغداد، عێڕاق لە 18 کانوونی دووەمی ٢٠٢١: ڕێکخراوی تەندروستیی جیهانی بەهەماهەنگی لەگەڵ وەزارەتی تەندروستیی عێڕاق لەسەر ئاستی ناوەند و هەرێمی کوردستان، نامیلکەیەکی پزیشکی ڕاگەیاند کە گونجاندنێکی نامیلکەی پزیشکیی ڕێكخراوی تەندروستیی جیهانییە بۆ چاودێریی تەندروستیی ژنانی بەرکەوتەی توند و تیژی.

ئەمڕۆ ئەنتۆنیۆ گوتێرسی سکرتێری گشتیی نەتەوە یەکگرتووەکان دامەزراندنی ئینگیبجۆرک سۆلروون گیسلادۆتیری وەک جێگری تازەی نوێنەری تایبەتیی سکرتێری گشتیی نەتەوە یەکگرتووەکان بۆ عێراق بۆ کاروباری ڕامیاری و یارمەتیدانی هەڵبژاردنی نێردەی نەتەوە یەکگرتووەکان بۆ هاریکاریی عێراق (یونامی) راگەیاند.

کەرکوك، عێراق – ١١ی کانوونی دووەمی ٢٠٢١: جێگری نوێنەری تایبەتی سکرتێری گشتی نەتەوە یەکگرتووەکان و هەماهەنگسازی مرۆیی و نشینگە بۆ عێراق، خاتو ئێرینا ڤۆجاکۆڤا-سۆلۆرانۆ، سەردانی قەزای حەوێجەی کرد لە پارێزگای کەرکوك. بەڕێزیان داوای زیادکردنی هەوڵەکانی کرد بۆ دابینکردنی پێویستییەکانی ئاوارە و ئاوارە گەڕاوەکان لە زێدی خۆیاندا بە کارکردن لەگەڵ کۆمەڵگاکاندا و هاوکاریکردنی حکومەتی عێراق لە پەرەپێدانی دووبارە هێنانەوەی ئاوارەکان بۆ ناو کۆمەڵگا لەگەڵ پاراستنیشیان بەشێوەیەکی کاریگەرانە.

شەنگال، عێراق، ١٠ی کانونی دووەمی ٢٠٢١- بە گیانێکی هاوکارییانەی بەردەوام لەگەڵ دانیشتوانی شەنگاڵ ، جێنین هێنیس-پلاسخارت ، نوێنەری تایبەتی سکرتێری گشتی نەتەوە یەکگرتووەکان لە عێراق ئەمڕۆ سەردانی قەزاکەی کرد . مەبەستی سەردانەکە بە دواداچوونی جێبەجێکردنی ڕێکەوتنی ئەمدواییەی بەغدا و هەولێر بوو کە ئامانج لێی خولقاندنی بارودۆخێکی سەقامگیر و ئارام و خۆشگوزاران بوو بۆ دانیشتوانەکەی. خاتوو ڤۆیاکۆڤا سۆلۆریانۆی جێگری و هەماهەنگیکاری نێشتەجێی و مرۆیی لە عێراق یاوەری سەردانەکەی بوو. شاندی نەتەوە یەکگرتووەکان جەختیان لە پێویستی کاری زیاتر کردووە – بە یەکگرتوویی و خێراتر- لە پێناو سووکردنی سەختییەکانی ئێستا.

١٠ی کانوونی دووەمی ٢٠٢١، بەغدا: هەماهەنگیکاری مرۆیی لە عێراق، خاتوو. ئێرینا ڤۆجۆکۆڤا سۆلۆرانۆ، هاوخەمی خۆی دەردەبڕێ سەبارەت بە مردنی کارمەندێکی مین هەڵگرەوەی مرۆیی لە عێراق لە ڕێکەوتی ٧ی کانوونی دووەمی ٢٠٢١. کۆچکردوو بۆ گروپی ڕاوێژکاری مین هەڵگرتنەوە بۆ ماوەی شەش ساڵ کاری کردووە و لە تەقینەوەیەك لە قەزای تەلعەفەر لە پارێزگای نەینەوا گیانی لەدەستدا. ستافێکی تری گروپی ڕاوێژکاری مین هەڵگرتنەوە و سێ کەسی تریش لە ڕووداوەکە برینداربوون.

بەغداد- بەرنامەی خۆراكی جیهانی نەتەوە یەكگرتووەكان (WFP)، كۆمەكیكی بەخشندە و دڵفراوانی ، بە بڕی 21 ملیۆن یۆرۆ وەرگرت، لە حكومەتی فیدڕاڵی ئەڵمانیاوە، بۆ پاڵپشتیكردنی خێزانە كەمدەرامەت و هەژارەكان لە سەرانسەری عێراق دا و هەروەها بۆ بە ژمارەیی كردن و چاكسازیكردن لە سیستەمی دابەشكردنی گشتی نیشتمانی (PDS) ی ووڵات دا بۆ بەشە خۆراك.

بەغداد- بەرنامەی خۆراكی جیهانی نەتەوە یەكگرتووەكان، كۆمەكیكی سەخاوەتمەندو دڵفراوانی لە حكومەتی كەنەدا وەرگرت بە بڕی 5.5 ملیۆن دۆلاری كەنەدی بۆ هاوكاریكردنی زیاتر لە 356000 ئاوارەی كەمدەرامەتی ناوخۆیی عێراقی و پەنابەری سوری لە سەرانسەری عێراق دا بۆ دابینكردنی پێویستییە خۆراكییە مانگانەییەكانیان.

عێراق – UNHCR پێشوازی لە بەخشینی ئەم دوایانە دەکات بە بڕی ٩ ملیۆنی کرۆنای سویدی ( = ١ ملیۆن دۆلاری ئەمریکی) بۆ پرۆگرامی پاراستن و هاوکاری تایبەت بە UNHCR بۆ پشتیوانی کردنی کەسانی دەربەدەر لە عێراق. ئەمە جگە لە ١٠ ملیۆن کرۆنای سویدی (= ١.١٧ ملیۆن دۆلاری ئەمریکی) کە پێشتر بەخشیان بە ئۆپەراسیۆنەکانی UNHCR لە عێراق، کە بەمەش کۆی گشتی بەخشینەکانی سوید بۆ ساڵی ٢٠٢٠ دەبێت بە ١٩ ملیۆنی کرۆنا (= ٢.٢٣ ملیۆن دۆلاری ئەمریکی).

پەڕەى 3 لەکۆى 75 پەڕەدا
© 2021 United Nations Iraq. هەموو مافەکانى پارێزراوە.