١٢ی ئابی ٢٠١٧- بەغدا، عیراق- رۆژی جیهانیی گه‌نجان لە ساڵی ٢٠١٧دا له‌ژێر سه‌رباسی "گه‌نجان ئاشتی بنیات ده‌نێن" له‌سه‌رتاسه‌ری جیهان یادی ده‌كرێته‌وه و بۆ ئه‌م مه‌به‌سته‌ش ئەمڕۆ چالاكییه‌كی تایبه‌ت له‌ به‌غدا لەلایەن وه‌زارەتی وه‌رزش و لاوان رێكخرا کە تیایدا نوێنه‌ری سكرتێری گشتیی نه‌ته‌وه‌ یه‌كگرتووه‌كان بۆ گه‌نجان، خاتو جایاسما ویكرامانایه‌كا ئاماده‌ بوو. چالاكییه‌كه‌ یه‌كه‌م ئه‌ركی نێونه‌ته‌وه‌یی "نێرده‌ی" تازه‌بوو و یه‌كه‌م یادكردنه‌وه‌ی رۆژی گه‌نجانی جیهانیشی بوو ‌ له‌وه‌ته‌ی سكرتێری گشتیی نه‌ته‌وه‌ یه‌كگرتوه‌كان به‌ڕێز ئه‌نتۆنیۆ گوتێرێس ده‌ستبه‌كاربووه‌ له‌گه‌ڵ پابه‌ندبوونی به‌ دانانی گه‌نج له‌ چه‌قی كارنامه‌كه‌یدا‌ له‌ پێناو پێشگرتن به‌ شه‌ڕ و دابینكردنی ئاشتییه‌كی درێژخایه‌ندا.

UNHCR ـی ئاژانسی تایبەتی نەتەوە یەکگرتووەکان بۆ کاروباری پەنابەران، هاوکارییەکانی لەناو عیراقدا بەتایبەت بۆ خێزانەکانی ناو شاری موسڵ زیادکردووە، لەگەڵیشیاندا بۆ ئەو هەزاران ئاوارەیەی کە بەم دواییانە گەڕاونەتەوە شارەکە، دوای ئەوەی پێشتر بەهۆی شەڕەوە لە شارەکە هەڵاتبوون.

به‌غدا، ٩ی ئابی ٢٠١٧:- نوسینگه‌ی یارمه‌تیدانی هه‌ڵبژاردنی نێرده‌ی نه‌ته‌وە یه‌كگرتووه‌كان بۆ هاریكاریی عیراق (یونامی) به‌توندی داوا له‌ "لێژنه‌ی شاره‌زایان"ی ئه‌نجومه‌نی نوێنه‌ران ده‌كات كه‌ به‌شێوه‌یه‌ك مامه‌ڵه‌ له‌گه‌ڵ ده‌سته‌ی داهاتووی كۆمیسارانی كۆمیسیۆنی باڵای سه‌ربه‌خۆی هه‌ڵبژاردنه‌كان بكات كه‌ نوێنه‌رایه‌تیی ته‌واوی ژنان دابین بكات.

به‌غدا، ٢ی ئابی ٢٠١٧:- نوسینگه‌ی رێكخراوی نه‌ته‌وه‌ یه‌كگرتووه‌كان بۆ ژنان له‌ عیراق كۆبوونه‌وه‌یه‌كی راوێژكاریی له‌ به‌غدا له‌گه‌ڵ ژنانی سه‌ركرده‌ و رێكخراوه‌كانی كۆمه‌ڵگه‌ی مه‌ده‌نی له‌ ٢ی ئابی ٢٠١٧ ئه‌نجامدا. كۆبوونه‌وه‌كه‌ له‌لایه‌ن به‌رپرسی هه‌رێمیی و وڵاتانی عه‌ره‌بیی رێكخراوی نه‌ته‌وه‌ یه‌كگرتووه‌كان بۆ ژنان‌، به‌ڕێز موحه‌ممه‌د ماجیری، سه‌رپه‌رشتی ده‌كرا كه‌ ئێستا به‌ سه‌ردانێك له‌ عیراقه‌.

نیویۆرک، ٣ی ئاب ٢٠١٧: سێ ساڵ لەمەوبەر لە بەرواری ٣ی ئابی ٢٠١٤دا چەکدارانی گروپی تیرۆرستی ناسراو بە دەوڵەتی ئیسلامی لە عیراق و شام (داعش) هێرشیان کردە سەر ناوچەی شنگال لە باکوری عیراق. دەرەنجامی ئەو نەهامەتییە کەمپینێکی فراوانی توندوتیژی سێکسی بوو لە دژی ژن و کچانی ئێزیدی و کەمە نەتەوایەتییەکانی تری وەکو تورکمانی شیعە و شەبەک و کۆمەڵگەی کریستیانەکان. ژن و کچانی سوننەش بە هەمان شێوە هێرشیان کرابووە سەر و بەزۆر بەشوو درابوون. بەکارهێنانی توندوتیژی سێکسی وەک تاکتیکی شەڕ و تیرۆر ژمارەیەکی زۆری خەڵکی مەدەنی ناچارکرد ماڵ و حاڵیان جێبهێڵن و ببنە ئاوارەی ناوەخۆیی و پەنابەر.

به‌غدا, ٤ ى ئابى ٢٠١٧ ـ بەرنامەی نەتەوەیەکگرتوەکان بۆ پەرەپێدان (UNDP) و لیژنەی جێبەجێکردن و بەدواداچوونی ئاشتەوایی نیشتیمانی (IFNRC) ی سەر بە نوسینگەی سەرۆک وەزیرانی عێراق ڕێکەوتننامەیەکی گەورەی هاوبەشییان بۆ برەو دان بە ئاشتەوایی لەسەر ئاستی مەدەنی و کۆمەڵگاکاندا لە بەغداد واژۆ کرد.

بەغدا/هەولێر، ٣ی ئابی ٢٠١٧ – وەک بەشێک لە بەهێزکردنی توانای دام و دەزگاکانی دەوڵەتی عیراق بۆ بەرەنگاربوونەوەی توندوتیژی سێکسی لە کاتی جەنگدا، نێردەی نەتەوە یەکگرتووەکان بۆ هاریکاری عیراق (یونامی) بە هاوبەشی لەگەڵ نووسینگەی نوێنەری تایبەتی سکرتێری گشتی بۆ کاروباری توندوتیژی سێکسی لە کاتی جەنگ و بە هاوکاری لەگەڵ ئاژانسەکانی نەتەوە یەکگرتووەکان کۆتایی هێنا بە خولەکانی ڕاهێنان بۆ بەرەنگاربوونەوەی توندوتیژی سێکسی لە کاتی جەنگدا بۆ کارمەندانی حکومەتی بەغدا و هەولێر.

به‌غدا, ٣ آب ٢٠١٧ـ بەرنامەی نەتەوەیەکگرتوەکان بۆ پەرەپێدان (UNDP) وسندوقی نەتەوەیەکگرتوەکان بۆ منداڵان (UNICEF) پێکەوە هەوڵەکانیان یەکدەخەن بۆ ئەنجامدانی داکۆکیکردن لە منداڵان و برەودان بە ئامادەباشی لەسەر بنەمای قوتابخانەکان بە درێژاییی ڕێچکەی لافاوی ڕووباری دیجلە لە عێراقدا. ئەم دوو دەزگایە پێکەوە لە بەغداد ڕێکەوتنێکیان واژۆ کرد سەبارەت بەم بابەتە.

٣١ی ته‌موزی ٢٠١٧: ئه‌ندامانی ئه‌نجومه‌نی ئاسایش به‌توندترین شێوه‌ هێرشه‌ تیرۆریستییه‌كه‌ی رۆژی ٣١ی ته‌موزی ٢٠١٧ی سه‌ر باڵیۆزخانه‌ی عیراقیان له‌ كابولی پایته‌ختی ئه‌فغانستان ئیدانه‌ كرد كه‌ بووه ‌مایه‌ی كوشتنی دوو كارمه‌ندی مه‌ده‌نیی ئه‌فغانیی ناو باڵیۆزخانه‌كه‌ و برینداركردنی ئه‌فسه‌رێكی پۆلیس. لایه‌نگرانی داعش (ده‌وه‌ڵه‌تی ئیسلامی له‌ عیراق و شام) له‌و وڵاته‌ به‌رپرسیارییه‌تیی خۆیانیان له‌ ته‌قینه‌وه‌كه‌ ده‌ربڕی.

به‌غدا، ٢١ی ته‌موزی ٢٠١٧:- نێرده‌ی نه‌ته‌وە یه‌كگرتووه‌كان بۆ هاریكاریی عیراق (یونامی) ، هاوبه‌شانه‌ له‌گه‌ڵ رێكخراوی نه‌ته‌وه‌ یه‌كگرتووه‌كان بۆ ژنان و لێژنه‌ی ئاشته‌وایی نیشتمانیی نوسینگه‌ی سه‌رۆك وه‌زیران و به‌شی كاروباری جێنده‌ر، كۆبونه‌وه‌یه‌كی راوێژكارییان بۆ گه‌وره‌ ژنانی سه‌ركرده‌ رێكخست كه‌ تێیدا وه‌زیر و ئه‌ندام په‌رله‌مان و راوێژكاره‌كانی پێشوو ئاماده‌ بوون به‌مه‌به‌ستی تاوتوێكردنی به‌شداریی ژنان له‌ پرۆسه‌ی ئاشته‌وایی نیشمانیی لە عیراقدا.

پەڕەى 46 لەکۆى 70 پەڕەدا

© 2020 United Nations Iraq. هەموو مافەکانى پارێزراوە.