بەغدا، ١٩ی ئابی ٢٠٢٠:- رۆژی چوارشەممە نەتەوە یەکگرتووەکان لە عێراق و وەزارەتەکانی کار و کاروباری کۆمەڵایەتی و تەندروستیی و ژینگە و پلاندانان تاووتوێی ئەو ئاڵنگارییانەی کرد که ڕوبەڕووی سیستەمی پاراستنی کۆمەڵایەتیی عێراق دەبنەوە لە بەهاناوەچوونی کاریگەرییەکانی ڤایرۆسی کۆرۆنا (کۆڤید ١٩).

بەغدا، ٢٠ی ئابی ٢٠٢٠ :- نیردەی نەتەوە یەکگرتووەکان بۆ عێراق (یونامی) بە توندی ئیدانەی کوشتنی دوو چالاکوان دەکات لە بەسرە و بەئامانجگرتنی دووانی تر لە هەفتەی رابردوودا لەگەڵ داواکردنیشی لە حکومەت بۆ چڕکردنەوەی هەوڵەکانی بۆ لێپێچینەوە لە تاوانباران و هەروەها بۆ دووبارەنەبوونەوەی پەلاماردان و تۆقاندنی چالاکوانان.

(بەغدا ١٩ی ئابی ٢٠٢٠) من شانازی دەکەم کە یادی ڕۆژی مرۆیی جیهانی بکەمەوە کە یەکێكە لە کارەکانم وەك هەماهەنگیکاری مرۆیی بۆ عێراق. لێرە یادکردنەوەکە گرنگیەکی تایبەتی هەیە، لەو کاتەی کە ڕۆژی مرۆیی جیهانی لەلایەن ئەنجومەنی ئاسایشی نەتەوە یەکگرتووەکان تەرخانکرابوو بۆ یادەوەری هێرشەکەی سەر بنکەی نەتەوە یەکگرتووەکان لە بەغدا لە ئوتێلی کەناڵ لە ڕۆژی ١٩ی ئابی ٢٠٠٣. ئەو ڕۆژە زۆربەی هاوکاران گیانیان لەدەستدا، لەو کاتەی کە کاریان دەکرد بۆ هاوکاری کردنی خەڵکی عێراق لە کاتێکی قەیراناوی.

بەغدا، ١٦ی ئابی ٢٠٢٠:- هەرچەندە ژمارەی تووشبووانی کۆڤید ١٩ لە هەڵکشانێکی لەڕادەبەدەر مەترسیدار دایە کە بەم زووانە ئه‌گه‌ری روودانی قەیرانێکی تەندروستیی ترسناکیشی هه‌یه‌، بەڵام عێراقییەکان هێشتا دەتوانن بەسەر ئەم پەتایەدا زاڵ بن بە مەرجێک بە وریاییەوە بە رێوشوێنە تەندروستییەکانەوە پابەند بن وەک خۆدوورگرتن لە گردبوونەوەی بەکۆمەڵ و بەستنی دەمامک و دوورمەودایی کۆمەڵایەتی کە بە باشترین شێواز دادەنرێن بۆ پێشگرتن لە تەشەنەکردنی ئەم پەتایە بۆ ناو کۆمەڵگا لەسەر ئاستێکی فراواندا.

هەولێر ١٢ی ئاب ٢٠٢٠ - لە ٢٠١٤ دا، داعش دەستی کرد بە هەڵمەتێكی جینۆسایدی دژ بە ئێزدیەکان- ئەو کەسانەن کە ئایین نەژادی کەمینەن و زێدی باووباپیرانیان لە شنگالە لە باکووری عێڕاق - وەهەروەها گروپی کەمینەی تر. هێرش بردنی داعش بۆ سەر شەنگاڵ بووە هۆی ئاوارەبوونی زیاتر لە ٣٥٠ هەزار ئێزدی، کە زۆربەیان پەنایان بردووە بۆ هەرێمی کوردستانی عێڕاق.

بەغدا، 11 ئاب 2020- شکستی خستنەڕووی ئەو بوارانەی كە لاوازن لە عێراق ئەگەری هەیە ببێتە هۆی زیادبوونی هەژاری سەخت لە وڵاتدا، بەپێی ڕاپۆرتێکی نوێ کە ئەمڕۆ لەلایەن بەرنامەی نەتەوە یەکگرتووەکان بۆ پەرەپێدان لە عێراق خرایە ڕوو.

بەغدا، ٣ی ئابی ٢٠٢٠:- لە ساڵیادی وەبیرهێنانەوەی ئەو تاوانە قێزەونانەی کە ٦ ساڵ لەمەوبەر رێکخراوی تیرۆریستی داعش دژی ئێزیدییەکان ئەنجامی دا، نوێنەری تایبەتیی سکرتێری گشتیی نەتەوە یەکگرتووەکان بۆ عێراق، خاتو جینین هێنیس-پلاسخارت، ستایشی خۆڕاگریی ئەو کۆمەڵگایەی کرد لە پاراستنی کەلتور و خاکیان و هەروەها، سەرەڕای بەربەستە سەختەکانیش، مکوڕبوونیان لەسەر مافەکانی خۆیان. ئەو هەروەها داوای لە بەغدا و هەولێریش کرد بۆ هەرچی زووە گەیشتن بە رێککەوتن بۆ رەخساندنی کەشێکی لەبار و ئارام بۆ ئەوەی ئەم خەڵکە گیر خواردووە بتوانن سەرلەنوێ ژیانیان بنیات بنێنەوە.

بەغداد 30 تەمموز/یۆلیۆ 2020– یەکێتیی ئەوروپا کۆمەکێکی نوێی بە بڕی 5 ملیۆن یۆرۆ پێشکەشکرد بە پرۆگرامی خۆراکی جیهانیی (WFP) سەر بە نەتەوە یەکگرتووەکان کە یارمەتییدەر دەبێت لە پێشکەشکردنی یارمەتیی خۆراکیی بۆ خێزانە عێراقیی و سورییە نەدارەكان بە درێژایی شەش مانگ وەك بەشێك لە وەڵامدانەوەی WFP بۆ پەتای کۆرۆنای نوێ (کۆڤید – 19).

بەغدا، ٣١ی تەموزی ٢٠٢٠:- نێردەی نەتەوەیەکگرتووەکان بۆ هاریکاریی عێراق (یونامی) دەسخۆشی لە داوایەکەی سەرۆک وەزیرانی عێراق، بەڕێز مستەفا كازمی، دەکات بۆ هەڵبژاردنی پێشوەخت لە عێراقدا لە ٦ی حوزەیرانی ٢٠٢١دا. لەڕاستیدا، هەڵبژاردنی پێشوەختە کلیلی داواکارییەکانی شەقامە لە هەنگاونان بەرەو ئارامی و دیموکراسیی تۆکمەتر لە عێراقدا. نەتەوە یەکگرتووەکان ئامادەیە بۆ پێشکەشکردنی هاوکاری و ڕاوێژی تەکنیکی گەر لەلایەن عێراقەوە داوا بکرێت لەپێناو ئەنجامدانی هەڵبژاردنێکی بێگەرد و متمانەدار کە بتوانێت متمانەی خەڵک بەدەست بهێنێت.

جەژنی قوربان لەڕووی نەریتەوە کاتی بەزەیی پێداهاتنه‌وه‌ و چاکەکردن و ئاهەنگ گێڕانە لەگەڵ خێزان و برادەراندا. بەداخەوه جەژنی ئەمساڵ هاوکاتە لە گەڵ پەتای ڤایرۆسی کۆڕۆنا (کۆڤید ١٩) کە نەک هەر هەموومانی گرفتار کردووە بەڵکوو بووەتە مایەی زیاتر ئاڵۆزکردنی ئاڵنگارییە ئابووری و کۆمەڵایەتی و سیاسییەکانیش.

پەڕەى 6 لەکۆى 70 پەڕەدا

© 2020 United Nations Iraq. هەموو مافەکانى پارێزراوە.