نەینەوا، عێراق- لەم هەفتەیەدا، جێگری نوێنەری تایبەتی سکرتێری گشتی نەتەوە یەکگرتووەکان لە عێراق، هەماهەنگیکاری نیشتەجێ/ هەماهەنگیکاری کاروباری مرۆیی، ئیرینا ڤۆیاشکۆڤا-سۆلۆرانۆ، سەردانی نەینەوای کرد بۆ هەڵسەنگاندنی بارودۆخی ئاوارە ناوخۆییەکان کە ماوەیەکی زۆرە لە ئاوارەییدان و هەروەها بۆ ئەنجامدانی دیدار لە گەڵ دەسەڵاتدارە ناوخۆییەکان لەسەر هەردوو ئاستی پارێزگا و کۆمەڵگادا.

بەغدا، 18 تشرینی یەکەم، 2020- ئەمڕۆ بەرنامەی نەتەوە یەکگرتووەکان بۆ پەرەپێدان لە عێراق و وەزارەتی پلاندانانی عێراقی یاداشتنامەی لێك تێگەشتنیان واژۆ کرد بۆ پشتیوانیکردنی بەهێزکردنی کەرتی تایبەت لە ڕێی پڕۆژەی زۆر بچوك و بچوك و مامناوەندەكانەوە لەگەل فەراهەمکردنی دەرفەتی کار و پشتیوانیکردنی سیاسەتی گەشەکردنی گشتگیر.

16 تشرینی یەكەم 2020 – بەغداد - ئەمڕۆ بەبۆنەی رۆژی خۆراكی جیهانییەوە ، ڕێكخراوی خۆراك و كشتوكاڵ ، سندوقی نێودەوڵەتی بۆ پەرەپێدانی كشتوكاڵی ، بەرنامەی خۆراكی جیهانی و بانكی نێودەوڵەتی، پابەندی خۆیان نوێ كردەوە لە درێژەدان بە لێكۆڵینەوە پێشەنگەكان بۆ پاڵپشتی كردنی ئاسایشی خۆراكیی لە عێراق دا و هەروەها كاریگەری پەتای كۆڤید- 19 لە سەر چینە زۆر لاوازو پێویست دارەكان.

بەغدا، 14 تشرینی یەکەم، 2020 - ئەمڕۆ لە کۆنفرانسی ئاشتی ناوخۆییدا پەیماننامەیەکی شكۆ واژۆکرا لە پێناو هاندانی زیاتر لە 1,100 خانەوادە، کە گومان دەکرێت هاوسۆزبن لەگەڵ ڕێكخراوی دەوڵەتی ئیسلامی لە عێراق و شام (داعش)، تا بگەڕێنەوە سەر زێدی خۆیان لە ناحیەی محەلەبیە.

دهۆک، عێراق. رێکەوتی 14 تشرینی یەکەمی ٢٠٢٠: پارێزگای دهۆک لە هەرێمی کوردستانی عێراق رۆڵێکی کارای گێڕاوە بۆ باشترکردنی خزمەتگوزاریی تەندروستی لە ١٩ ساڵی رابردوو، رێکخراوە لەلایەن بەڕێوەبەرایەتی تەندروستیی پارێزگاکە و پاڵپشتکراوە لەلایەن رێکخراوی تەندروستیی جیهانی و هاوبەشە جێەبجێکارەکانی و بەخشەرە دڵگەورەکان.

دهۆک، ١٣ى تشرینی یەکەم، ٢٠٢٠ – قاوشێکی نوێی جیاكردنەوەی نەخۆش كە ٢٠ قەرەوێڵەییە و دیزاین کراوە بۆ مامەڵە کردن لەگەڵ ئەو كەسانەی كە تووشی ڤایرۆسی كۆرۆنا بوون و لە دۆخێكی تەندروستی خراپدان بە شێوەیەکی فەرمی لەلایەن پارێزگاری دهۆکەوە کرایەوە، ئەمەش بە هاوبەشی لەگەڵ دامه‌زراوه‌ی ئه‌مریکی بۆ په‌ره‌پێدانی نێوده‌وڵه‌تی و بەرنامەی نەتەوەیەکگرتوەکان بۆ پەرەپێدان لەعێراق.

ڕێکخراوی خۆراک و کشتوکاڵی سەر بەنەتەوە یەکگرتووەکان( فاو) پێشوازی لەزیادەی 2 , 2 ملیۆن دۆلار دەکات لەئاژانسی کەمکردنەوەی هەڕەشەی بەرگری DTRA / USA , بۆ بەهێزکردنی خزمەتگوزاری ڤێتێرنەری لەپارێزگا ئامانجکراوەکان لەعیراق و بنیاتنانی توانا لەناسینەوەی نەخۆشیەکان و کێڵگەو تاقیگەی ، کۆکردنەوە و شیکردنەوەی داتاکان ڕاپۆرتکردن و سیستەمی ئاگادارکردنەوەی پێشوەخت بۆ نەخۆشیە ئاژەڵییە بەرزەکان.

بەغدا، ٩ی تشرینی یەکەمی ٢٠٢٠:- وێڕای دەستخۆشیکردنی لە ڕێککەوتنی حکومەتی فیدرالی عێراق و حکوومەتی هەرێمی کوردستان سەبارەت بە بارودۆخی شارۆچکەی شەنگال لە پارێزگای نەینەوادا وەک "یەکەم هەنگاوی گرینگ بە ئاراستەی ئاساییبوونەوە"، نێردەی نەتەوەیەکگرتووەکان بۆ هاریکاریی عێراق (یونامی) هیوا دەخوازێت کە ئەمە رێگە بۆ ئایندەیەکی باشتر خۆش بکات.

بەرنامەی خۆراكی جیهانی خەڵاتی نؤبڵی ئاشتی پێبەخشرا

ڕۆما 09/10/2020 - خەڵاتی نۆبڵی ئاشتی بە بەرنامەی خۆراكی جیهانی، پێزانینێكی كاریگەرە بەو هەوڵانەی كە كارمەندەكان ڕۆژانە و بە ژیانی خۆیان دەیدەن لە پێناو پێشكەشكردنی خۆراك و یارمەتی بۆ نزیكەی 100 ملیون كەس لە مناڵ و ژن و پیاو، كە بە دەست برسێتییەوە دەناڵێنن لە سەرانسەری جیهان دا. ئەو كەسانەن كە بە زۆری ژیانیان بە شێوەیەكی دڕندانە تێكچووە بە هۆی نەبوونی ئارامی و نەمانی ئاسایش و ململانێكانەوە.

عێراق- كۆمسیۆنی باڵای نەتەوە یەكگرتووەكان بۆكاروباری پەنابەران (UNHCR)، ئاژانسی پەنابەرانی نەتەوە یەكگرتووەكان لە عێراق، پێشوازی لەو هاریكارییە زیادە خۆبەخشانەیە دەکات کە بڕی 13.36 ملیۆن یۆرۆیە، لە لایەن حکومەتی کۆماری ئەڵمانیای فیدراڵەوە، بۆ دابینکردنی هاوكاری مرۆیی زۆر پێویست و پاراستنی ئەو خێزانە پەنابەرە سورییانەی لە بەردەم مەترسیدان، لە عێراق. ئەم پارەدانەی دوایی، کۆی هاریكارییەكانی ئەڵمانیای بۆ دانیشتوانی ئاوارە لە عێراقدا، دەگەیەنێت بە 21.4 ملیۆن یۆرۆ بۆ ساڵی 2020.

پەڕەى 8 لەکۆى 75 پەڕەدا
© 2021 United Nations Iraq. هەموو مافەکانى پارێزراوە.