کەرکوك، عێراق – ١١ی کانوونی دووەمی ٢٠٢١: جێگری نوێنەری تایبەتی سکرتێری گشتی نەتەوە یەکگرتووەکان و هەماهەنگسازی مرۆیی و نشینگە بۆ عێراق، خاتو ئێرینا ڤۆجاکۆڤا-سۆلۆرانۆ، سەردانی قەزای حەوێجەی کرد لە پارێزگای کەرکوك. بەڕێزیان داوای زیادکردنی هەوڵەکانی کرد بۆ دابینکردنی پێویستییەکانی ئاوارە و ئاوارە گەڕاوەکان لە زێدی خۆیاندا بە کارکردن لەگەڵ کۆمەڵگاکاندا و هاوکاریکردنی حکومەتی عێراق لە پەرەپێدانی دووبارە هێنانەوەی ئاوارەکان بۆ ناو کۆمەڵگا لەگەڵ پاراستنیشیان بەشێوەیەکی کاریگەرانە.

شەنگال، عێراق، ١٠ی کانونی دووەمی ٢٠٢١- بە گیانێکی هاوکارییانەی بەردەوام لەگەڵ دانیشتوانی شەنگاڵ ، جێنین هێنیس-پلاسخارت ، نوێنەری تایبەتی سکرتێری گشتی نەتەوە یەکگرتووەکان لە عێراق ئەمڕۆ سەردانی قەزاکەی کرد . مەبەستی سەردانەکە بە دواداچوونی جێبەجێکردنی ڕێکەوتنی ئەمدواییەی بەغدا و هەولێر بوو کە ئامانج لێی خولقاندنی بارودۆخێکی سەقامگیر و ئارام و خۆشگوزاران بوو بۆ دانیشتوانەکەی. خاتوو ڤۆیاکۆڤا سۆلۆریانۆی جێگری و هەماهەنگیکاری نێشتەجێی و مرۆیی لە عێراق یاوەری سەردانەکەی بوو. شاندی نەتەوە یەکگرتووەکان جەختیان لە پێویستی کاری زیاتر کردووە – بە یەکگرتوویی و خێراتر- لە پێناو سووکردنی سەختییەکانی ئێستا.

١٠ی کانوونی دووەمی ٢٠٢١، بەغدا: هەماهەنگیکاری مرۆیی لە عێراق، خاتوو. ئێرینا ڤۆجۆکۆڤا سۆلۆرانۆ، هاوخەمی خۆی دەردەبڕێ سەبارەت بە مردنی کارمەندێکی مین هەڵگرەوەی مرۆیی لە عێراق لە ڕێکەوتی ٧ی کانوونی دووەمی ٢٠٢١. کۆچکردوو بۆ گروپی ڕاوێژکاری مین هەڵگرتنەوە بۆ ماوەی شەش ساڵ کاری کردووە و لە تەقینەوەیەك لە قەزای تەلعەفەر لە پارێزگای نەینەوا گیانی لەدەستدا. ستافێکی تری گروپی ڕاوێژکاری مین هەڵگرتنەوە و سێ کەسی تریش لە ڕووداوەکە برینداربوون.

بەغداد- بەرنامەی خۆراكی جیهانی نەتەوە یەكگرتووەكان (WFP)، كۆمەكیكی بەخشندە و دڵفراوانی ، بە بڕی 21 ملیۆن یۆرۆ وەرگرت، لە حكومەتی فیدڕاڵی ئەڵمانیاوە، بۆ پاڵپشتیكردنی خێزانە كەمدەرامەت و هەژارەكان لە سەرانسەری عێراق دا و هەروەها بۆ بە ژمارەیی كردن و چاكسازیكردن لە سیستەمی دابەشكردنی گشتی نیشتمانی (PDS) ی ووڵات دا بۆ بەشە خۆراك.

بەغداد- بەرنامەی خۆراكی جیهانی نەتەوە یەكگرتووەكان، كۆمەكیكی سەخاوەتمەندو دڵفراوانی لە حكومەتی كەنەدا وەرگرت بە بڕی 5.5 ملیۆن دۆلاری كەنەدی بۆ هاوكاریكردنی زیاتر لە 356000 ئاوارەی كەمدەرامەتی ناوخۆیی عێراقی و پەنابەری سوری لە سەرانسەری عێراق دا بۆ دابینكردنی پێویستییە خۆراكییە مانگانەییەكانیان.

عێراق – UNHCR پێشوازی لە بەخشینی ئەم دوایانە دەکات بە بڕی ٩ ملیۆنی کرۆنای سویدی ( = ١ ملیۆن دۆلاری ئەمریکی) بۆ پرۆگرامی پاراستن و هاوکاری تایبەت بە UNHCR بۆ پشتیوانی کردنی کەسانی دەربەدەر لە عێراق. ئەمە جگە لە ١٠ ملیۆن کرۆنای سویدی (= ١.١٧ ملیۆن دۆلاری ئەمریکی) کە پێشتر بەخشیان بە ئۆپەراسیۆنەکانی UNHCR لە عێراق، کە بەمەش کۆی گشتی بەخشینەکانی سوید بۆ ساڵی ٢٠٢٠ دەبێت بە ١٩ ملیۆنی کرۆنا (= ٢.٢٣ ملیۆن دۆلاری ئەمریکی).

بەغدا، 21 كانوونی یەكەم 2020 – ئەڵمانیا جارێكی ترو لە ڕێگەى وەبەرهێنانەوە بە بڕی 30 ملیۆن یۆڕۆ (35.8 ملیۆن دۆلاری ئەمریكی) هابەشییەكەی لەگەڵ بەرنامەی نەتەوە یەكگرتووەكان بۆ پەرەپێدان دووپات كردووە، بەمەبەستی پتەوكردنی گەشەى ئابووری و دروست كردنی هەلی كار بۆ ئەو كۆمەڵگایانەی لە دۆخێكی ناسكدان لە عێراقدا.

بەغدا ٢٣ی کانوونی یەکەمی ٢٠٢٠ - بزنسی بچوك و مامناوەندان (SMEs)، کە زۆرینەی دەستی کاری عێڕاقی لای ئەوان کار دەکەن، بە شێوەیەکی سەخت زیانیان بەرکەوت بە هۆی ململانێیەکانی دژ بە داعش. ئەو بزنسانە خەریک بوون دەبووژانەوە کاتێك پەتای کۆڕۆنا بڵاوبۆوە و بووە هۆی ئاڵۆزی زیاتر و زیادبوونی بەڕەنگاریەکان بۆ بزنسەکان و کارمەندەکانیان.

لە ڕۆژانی ٢١ و ٢٢ی کانوونی یەکەمدا، شاندێکی یونامی، کە لەلایەن بەرپرسی نووسینگەی مافی مرۆڤی یونامی و نوێنەری کۆمیساریای باڵای مافی مرۆڤەوە لە عێراق سەرپەرشتی دەکرا، سەردانی بەندیخانەی ناوەندیی ناسریەیان کرد.

لەڕاستیدا، پەتای ڤایرۆسی کۆڕۆنا، زۆر یان کەم، کاریگەری لەسەر هەر هەموومان داناوە. عێراقیش وەکو تەواوی جیهان لەم پەتایە بەدەر نییە و بگرە کاریگەرییەکی زۆریشی هەیە. بەداخەوە کۆڤید-١٩ بووەتە هۆی خراپترکردنی تەحەدییە سیاسیی و کۆمەڵایەتی و ئابووری و ئاسایشییەکان کە خۆیان هەر پێشتریش لە دۆخێکی خراپدا بوون.

پەڕەى 10 لەکۆى 81 پەڕەدا
© 2021 United Nations Iraq. هەموو مافەکانى پارێزراوە.