به‌غداد، ٢٩ی كانونی یه‌كه‌می ٢٠١٦:- نێرده‌ی نه‌ته‌و یه‌كگرتووه‌كان بۆ هاریكاریی عیراق (یونامی) ئیدانه‌ی رفاندنی رۆژنامه‌نووس خاتو ئه‌فراح شه‌وقی ده‌كات له‌لایه‌ن چه‌ند چه‌كدارێكی نه‌ناسراوه‌وه‌ له‌ ‍شه‌وی دووشه‌ممه ‌له‌ ماڵه‌كه‌ی خۆی.

به‌غدا، ١ی ئه‌یلولی ٢٠١٥:- نوێنه‌ری تایبه‌تی سكرتێری گشتیی نه‌ته‌وه‌ یه‌كگرتووه‌كان بۆ عیراق بەڕێز یان كوبیش و نوێنه‌ری یونیسكۆ له‌ عیراق، ئاكسێل پلاسێ، زۆر نیگه‌رانن سه‌باره‌ت به‌ سه‌لامه‌تیی رۆژنامه‌نوسان له‌ پارێزگای نه‌ینه‌وادا. كوشتنی غافڵگیرانه‌ و زیادبوونی كاری تۆقاندن و هه‌راسانكردن و توندوتیژی ئه‌مدواییه‌ی دژی راگه‌یاندكاران به‌ڵگه‌ی زیندووی هه‌ڕه‌شه‌ی مه‌ترسیدارن كه‌ رۆژنامه‌نوسانی ناوچه‌كانی ژێر ده‌سه‌ڵاتی داعش (ده‌وڵه‌تی ئیسلامی عیراق و شام ) رووبه‌رووی ده‌بنه‌وه‌.